শুষ্কতাৰ পৰা বাচি থাকিবলৈ কোমল আৰু সুবাস-মুক্ত চাবোন ব্যৱহাৰ কৰক ৷ হাত ধুবলৈ কুহুমীয়া পানী লওক ৷ গৰম পানীৰে হাত ধোৱাৰ পৰা বিৰত থাকক ৷ হাত ধোৱাৰ পিছত এখন শুকান টাৱেলেৰে হাতদুখন শুকুৱাওক ৷ টাৱেলেৰে ঘঁহি ঘঁহি গাত নুমুচিব ৷ ই ছালত ইৰিটেছন সৃষ্টি কৰিব পাৰে ৷ ধোৱা শেষ হোৱাৰ পিছত ক্ৰীম নতুবা লোচন সানক ৷ হাত ধোৱাৰ পিছত প্ৰতিবাৰেই এনেদৰে লোচন ব্যৱহাৰ কৰিবলৈ নাপাহৰিব (dry hands due to excessive use of soap and sanitizers) ৷
আমেৰিকান একাডেমী অফ ডাৰ্মাটোলজীৰ (এ.এ.ডি.) মতে, শুকান আৰু ফাটি যোৱা ছালে বেক্টেৰিয়া আৰু অন্যান্য বীজাণুবোৰ শৰীৰৰ ভিতৰলৈ সোমোৱাত সহজ কৰি তোলে । হাত ধোৱাৰ পিছত ময়েশ্চাৰাইজাৰৰ ব্য়ৱহাৰে ছালক শুষ্কতাৰ পৰা ৰক্ষা কৰে ৷
আপুনি ব্যৱহাৰ কৰিব পৰাকৈ বজাৰত বিভিন্ন ধৰণৰ ক্ৰীম, ময়শ্চাৰাইজাৰ আৰু লোচন উপলব্ধ ৷ অধিক তেল আধাৰিত লোচন ব্যৱহাৰ কৰিলে আপুনি অতি সোনকালে সুফল পাব । নিশা শুবলৈ যোৱাৰ পূৰ্বে আপোনাৰ হাতত অলপ বেছি পৰিমাণত ক্ৰীম লগাওক আৰু এই ময়শ্চাৰাইজাৰ হাতখনে সম্পূৰ্ণৰূপে পাবলৈ কপাহী হাতমোজা পৰিধান কৰক (skin care tips) ৷
শুকান ছালৰ পৰা পৰিত্ৰাণ পোৱাৰ উপায় (Tips to avoid Dryness)
এলোভেৰা:
ছালৰ যিকোনো সমস্যাৰ বাবে এলোভেৰা জেল উপযুক্ত ৷ লগতে ই সহজলভ্যও ৷ ই ছালক কোমল কৰি ৰাখে ৷ এলোভেৰা এণ্টিবেক্টেৰিয়েল আৰু এণ্টিইনফ্লেমেটৰী গুণাগুণেৰে গঠিত। ছালৰ শুষ্কতাৰ অনুভৱ হোৱা ছালৰ জ্বলা-পোৰা আৰু ৰঙা পৰাৰ বাবে এলোভেৰা জেলে সহায় কৰে । হাতক এলোভেৰা জেলে ময়শ্চাৰাইজ কৰি ৰাখে । বজাৰত উপলব্ধ এলোভেৰা জেলতকৈ অৱশ্যে ঘৰৰে সতেজ এলোভেৰা জেল অধিক লাভজনক। ঘৰতেই সহজে ইয়াক ৰোপণ কৰিব পাৰি ৷
পেট্ৰ'লিয়াম জেলী:
আন ক্ৰীম আৰু ময়েশ্চাৰাইজাৰৰ তুলনাত পেট্ৰ'লিয়াম জেলী সোনকালে এবজৰ্ব নহয়, কিন্তু ই আটাইতকৈ কাৰ্যকৰী । ছালৰ জ্বলা-পোৰা দূৰ কৰি ই ছালক ময়েশ্চাৰাইজ কৰি ৰাখে যিয়ে ছালক শুকান হোৱাৰ পৰা ৰক্ষা কৰে ৷
ময়েশ্চাৰাইজিং মাস্ক:
এলোভেৰা জেল, মৌ, নাৰিকল তেল আৰু হালধিৰ এটা মিশ্ৰণ তৈয়াৰ কৰি লওক ৷ এণ্টিমাইক্ৰোবাইল গুণাগুণযুক্ত হালধি বিভিন্ন বেমাৰৰ প্ৰতিষেধক ৷ মিশ্ৰণটো 15 মিনিটৰ বাবে আপোনাৰ হাতত প্ৰয়োগ কৰক আৰু তাৰ পিছত ইয়াক ধুই পেলাওক। ই আপোনাৰ খহতা হাতক কোমল কৰি ৰাখিব ।
নাৰিকল তেল:
এণ্টিবেক্টেৰিয়েল গুণেৰে পৰিপূৰ্ণ নাৰিকল তেলে দীঘলীয়া সময়ৰ বাবে ছালক ময়শ্চাৰাইজ কৰি ৰাখে ৷ ই সহজে ছালৰ ভিতৰলৈ প্ৰৱেশ কৰে ৷ শুষ্কতাৰ পৰা বাচিবলৈ আপুনি সূৰ্যমুখী ফুলৰ বীজৰ তেলও ব্যৱহাৰ কৰিব পাৰে ।
ঘনাই চেনিটাইজাৰ ব্যৱহাৰ কৰাতকৈ আপুনি চাবোন আৰু পানীৰে হাত ধোৱক ৷ ময়শ্চাৰাইজৰ থকা চেনিটাইজাৰ ব্যৱহাৰ কৰিব পাৰে, কিন্তু ভাইৰাছৰ পৰা ৰক্ষা কৰাত ই সাধাৰণ চেনিটাইজাৰৰ দৰে কাৰ্যকৰী নহয় ৷ পৰিষ্কাৰ পৰিচ্ছন্নতাৰ লগতে হাতক শুষ্কতাৰ পৰা বচাই ৰখাটো কেতিয়াবা বিৰক্তিকৰ হৈ পৰে ; কিন্তু মনত ৰাখিব বেমাৰৰ পৰা আৰোগ্য হোৱাতকৈ আগতীয়া প্ৰতিকাৰ লোৱাটো অধিক ফলপ্ৰসূ ৷
লগতে পঢ়ক: Tips to Cure dry cracked heels: ফটা গোৰোহাৰ যত্ন কিদৰে ল’ব জানো আহক
