ইউৰিক এচিড হৈছে শৰীৰৰ কোষবোৰ ভাঙি যোৱাৰ সময়ত সৃষ্টি হোৱা দূষিত পদাৰ্থ ৷ সাধাৰণতে ই তেজৰ পৰা বৃক্কৰ জৰিয়তে শৰীৰৰ পৰা বাহিৰলৈ ওলাই যায় ৷ কিন্তু কিছুমান ক্ষেত্ৰত শৰীৰত ইউৰিক এচিডৰ পৰিমাণ বেছি হ’ব পাৰে, যাৰ ফলত হাইপাৰ ইউৰিচেমিয়া হ’ব পাৰে ৷
ইউৰিক এচিড বৃদ্ধি হোৱাটো আজিৰ দিনত এক সাধাৰণ সমস্যা ৷ খাদ্যৰ পৰিৱৰ্তন, অতিৰিক্ত ওজন, মদ্যপান আৰু কিছুমান ঔষধে ইউৰিক এচিডৰ মাত্ৰা বৃদ্ধি কৰিব পাৰে ৷ সাধাৰণতে ইউৰিক এচিড তেজত দ্ৰৱীভূত হৈ বৃক্কে শৰীৰৰ পৰা ফিল্টাৰ কৰি উলিয়াই দিয়ে যদিও শৰীৰত ইউৰিক এচিডৰ মাত্ৰা অধিক হোৱাৰ বাবে বৃক্কই ইয়াক শৰীৰৰ পৰা আঁতৰাবলৈ অক্ষম হৈ পৰে ৷ ইয়াৰ বাবে ই হাড়ৰ মাজত স্ফটিকৰ ৰূপত জমা হয় ৷ সেয়ে এই প্ৰতিবেদনত আমি আপোনালোকক এটি আচৰিত পদ্ধতিৰ বিষয়ে ক'বলৈ ওলাইছো, যাৰ সহায়ত তেজৰ পৰা ইউৰিক এচিড শৰীৰৰ পৰা ওলাই অহাত সহায় কৰিব ৷
এই অলৌকিক পানী কি ?
মেথি আৰু ধনিয়া গুটিৰ পানী ইউৰিক এচিড কমোৱাৰ এক ফলপ্ৰসূ ঘৰুৱা ঔষধ ৷ ইয়াৰ বাবে এগিলাচ পানীত এচামুচ মেথি গুটি আৰু এচামুচ ধনিয়া গুটি দি ৰাতি তিয়াই থব ৷ এই পানী পুৱা চেকি লৈ খালী পেটত খাব লাগে ৷ এই পানীত থকা পুষ্টিকৰ পদাৰ্থই ইউৰিক এচিডৰ মাত্ৰা হ্ৰাস কৰাত সহায় কৰে ৷ মেথি গুটিত থকা আঁহ আৰু এন্টিঅক্সিডেন্টে শৰীৰৰ পৰা ইউৰিক এচিড আঁতৰোৱাত সহায় কৰে ৷ ধনীয়া গুটিত থকা প্ৰদাহ নিবাৰণকাৰী গুণে গাঁঠিৰ ফুলা আৰু বিষ কমোৱাত সহায় কৰে ৷ এই পানী দৈনিক কেইসপ্তাহমানৰ বাবে সেৱন কৰিলে ইউৰিক এচিডৰ মাত্ৰা হ্ৰাস পোৱা দেখা যায় ৷
খালী পেটত মেথি ধনিয়া গুটি মিহলোৱা পানী সেৱনৰ উপকাৰিতা
- কোষ্ঠকাঠিন্য দূৰ কৰাত সহায় কৰে ৷ মেথি আৰু ধনিয়া গুটিত থকা আঁহে হজম শক্তি উন্নত কৰাৰ লগতে কোষ্ঠকাঠিন্য দূৰ কৰাত সহায় কৰে ৷
- ওজন কমাবলৈ সহায় কৰে ৷ মেথি আৰু ধনিয়া গুটিত থকা আঁহে ভোক কমোৱাত সহায় কৰে, যিয়ে ওজন কমাবলৈ সহায় কৰিব পাৰে ৷
- ৰোগ প্ৰতিৰোধ ক্ষমতা বৃদ্ধি কৰে ৷ মেথি আৰু ধনিয়া গুটিত থকা এন্টিঅক্সিডেন্ট আৰু এন্টি-ইনফ্লেমেটৰী গুণে ৰোগ প্ৰতিৰোধ ক্ষমতা বৃদ্ধিত সহায় কৰে ৷
- ছালখন সুস্থ কৰি ৰাখে ৷ মেথি আৰু ধনিয়া গুটিত থকা এন্টিঅক্সিডেন্টে ছালখনক ক্ষতিৰ পৰা ৰক্ষা কৰাত সহায় কৰে ৷
লগতে পঢ়ক: Arthritis: আপোনাৰ এইসমূহ ভুল অভ্যাসৰ ফলত হ’ব পাৰে আৰ্থ্ৰাইটিছ
