ৰাতিপুৱাৰ আহাৰ আৰু ৰাতিৰ আহাৰ স্বাস্থ্যসন্মত হ’ব লাগে বুলি বহু অনুভৱ কৰে যদিও বহু সময়ত দুপৰীয়াৰ আহাৰক লৈ ইমান চিন্তিত নহয় ৷ বেছিভাগ মানুহৰে এনেকুৱাও হয় যে তেওঁলোকে কৰ্মৰ চাপৰ বাবে দুপৰীয়াৰ আহাৰ এৰি দিয়ে বা সঠিক সময়ত খাব নোৱাৰে ৷
বিশেষজ্ঞৰ মতে, এই অভ্যাসে আপোনাৰ ক্ষতি কৰে যদিও এইটোও হয় যে যদি ভোক নাথাকিলে জোৰকৈ খোৱাৰ প্ৰয়োজন নাই ৷ গধুৰ বা দেৰিকৈ ব্ৰেকফাষ্ট কৰিলে এনে হ’ব পাৰে ৷ স্বাস্থ্যসন্মত আৰু সুষম ব্ৰেকফাষ্টে আপোনাৰ পেটটো দীঘলীয়া সময়লৈকে ধৰি ভৰি থাকে আৰু শক্তি আপোনাৰ শৰীৰৰ ভিতৰত ৪ৰ পৰা ৫ ঘণ্টালৈকে থাকে ৷
ব্ৰেকফাষ্টৰ পিছত দুপৰীয়াৰ আহাৰ গ্ৰহণৰ সঠিক সময়
এতিয়া জানি থওক যে, ব্ৰেকফাষ্টৰ পিছত দুপৰীয়াৰ আহাৰ গ্ৰহণৰ বাবে কি উপযুক্ত সময় হ’ব লাগে ৷ বিশেষজ্ঞসকলৰ মতে, যদি আপুনি ৰাতিপুৱা ৮ বজাত ব্ৰেকফাষ্ট কৰে তেন্তে দুপৰীয়া ১ বজাৰ ভিতৰত দুপৰীয়াৰ আহাৰ গ্ৰহণ কৰক ৷ আনহাতে, যদি আপুনি দুপৰীয়া ১ বজাত দুপৰীয়াৰ আহাৰ গ্ৰহণ কৰা নাই, তেন্তে মনত ৰাখিব যে ৰাতিপুৱা ৮ বজাত ব্ৰেকফাষ্ট কৰাৰ পিছত যেতিয়াই দুপৰীয়া ১২ বজাৰ পৰা ২ বজাৰ ভিতৰত ভোক লাগে তেতিয়াই দুপৰীয়াৰ আহাৰ গ্ৰহণ কৰক ৷
ডায়েটিচিয়ানসকলৰ মতে, এনে পৰিস্থিতিত যেতিয়া আপুনি ব্ৰেকফাষ্টত অতি কম খাদ্য গ্ৰহণ কৰে বা একেবাৰে ব্ৰেকফাষ্ট কৰা নাই তেতিয়া আপোনাৰ সোনকালে ভোক লাগে ৷ কেতিয়াবা এই সময়ছোৱাত আপোনাৰ কাৰ্যকলাপৰ স্তৰৰ ওপৰতো নিৰ্ভৰ কৰে ৷
বেলেগ বেলেগ সময়ত নাখাব
দুপৰীয়াৰ আহাৰ গ্ৰহণৰ বাবে এটা ৰুটিন নিৰ্ধাৰণ কৰক যাতে আপুনি দিনটোৰ বিভিন্ন সময়ত খাদ্য গ্ৰহণ নকৰে ৷ যেনে ৰাতিপুৱা পলমকৈ বা দুপৰীয়াৰ আগতে, এনে কৰাৰ পৰা বিৰত থাকক ৷ আনহাতে, প্ৰতিদিনে একে সময়তে সঠিক সময়ত ব্ৰেকফাষ্ট কৰিলেহে দুপৰীয়াৰ আহাৰ গ্ৰহণৰ নিৰ্দিষ্ট সময় অনুসৰণ কৰিব পাৰি ৷
দুবাৰ খোৱাৰ মাজত ৩ৰ পৰা ৫ ঘণ্টাৰ ব্যৱধান
দিনটোৰ ভিতৰত কিবা নহয় কিবা খোৱাৰ পৰা বিৰত থাকক ৷ যিমান পাৰি একে সময়তে দুপৰীয়াৰ আহাৰ গ্ৰহণ কৰক ৷ বহু গৱেষণাৰ মতে, Meal Frequency ওজন হ্ৰাস, হৃদৰোগ আৰু ডায়েবেটিছৰ সৈতে জড়িত ৷ দুবাৰ খোৱাৰ মাজত ৩ৰ পৰা ৫ ঘণ্টাৰ ব্যৱধান ৰাখিব লাগে ৷ ইয়াৰ ফলত শৰীৰে হজম শক্তিৰ বাবে পূৰ্ণ সময় পায় ৷
দুপৰীয়াৰ আহাৰ এৰি দিলে কি হ’ব ?
এতিয়া দুপৰীয়াৰ আহাৰ এৰি দিলে কি হয় জানি লওক ৷ গৱেষণাৰ মতে, যিসকল লোকে ৰাতিৰ আহাৰত গোটেই দিনটো খাদ্য গ্ৰহণ নকৰি একেবাৰেই সকলো খাদ্য খাবলৈ চেষ্টা কৰে, তেওঁলোকৰ কেলৰিৰ পৰিমাণ বেছি হয় ৷ সেইবাবেই দুপৰীয়াৰ আহাৰ এৰি নিদিব ৷ ওজন বৃদ্ধিৰ বাবে স্বাস্থ্যৰ সৈতে জড়িত আন বহুতো সমস্যাও হ’ব পাৰে ৷
