কেৰেলাৰ এটি জনপ্ৰিয় উৎসৱ হৈছে ওনাম(Onam Festival) । পবিত্ৰ ওনাম উৎসৱ এইবেলি ৩০ আগষ্টৰ পৰা আৰম্ভ হ’ব আৰু ৮ ছেপ্টেম্বৰত শেষ হ’ব । ওনাম উৎসৱ ইয়াত অতি ধুমধামেৰে পালন কৰা হয় । দক্ষিণ ভাৰতৰ কেৰালাৰ মালয়ালীসকলে(Malayali) অতি আড়ম্বৰপূৰ্ণভাৱে সম্পূৰ্ণ ১০ দিনীয়াকৈ পালন কৰে এই উৎসৱ । ওনাম এক কৃষিভিত্তিক উৎসৱ ।
কেৰালাত প্ৰচলিত মালয়ালী দিনপঞ্জী পঞ্চাংগম অনুসৰি চিঙাম মাহৰ ২২তম নক্ষত্ৰ থিৰুভোনাম পৰা দিনা ওনাম পালন কৰা হয় । ওনাম কেৰালাৰ আৰু কেৰালাৰ বাহিৰৰ বসবাস কৰা মালয়ালী লোকসকলৰ বাবে মুখ্য বাৰ্ষিক অনুষ্ঠান । ই একপ্ৰকাৰৰ শস্য চপোৱাৰ উৎসৱ । এই উৎসৱ কেৰালাৰ বিষু আৰু থিৰুভাথিৰাৰ সৈতে তিনিটা মুখ্য উৎসৱৰ ভিতৰত অন্যতম ।
এই উৎসৱত মানুহে নিজৰ ঘৰবোৰ ৰঙীন ফুল আৰু ৰেংগোলিৰে সজাই তোলে । ওনাম উপলক্ষে ঘৰে ঘৰে বিভিন্ন সুস্বাদু ব্যঞ্জন প্ৰস্তুত কৰা হয় । য’ত পাচাদি, ৰসম, পুলিচেৰী, এৰিচেৰী, খীৰ আৰু এভিয়াল প্ৰধান খাদ্য । কলপাতত এই পৰম্পৰাগত খাদ্য পৰিবেশন কৰা হয় । আপুনিও উৎসৱৰ বতৰত ঘৰতে এই পৰম্পৰাগত খাদ্য সমূহ চেষ্টা কৰিব পাৰে । তলত ওনাম উৎসৱত সহজতে প্ৰস্তুত কৰি উলিয়াব পৰা কেইটিমান ৰেচিপি আগবঢ়োৱা হ'ল ৷
- এভিয়াল
উপকৰণ - ড্ৰামষ্টিক(চজিনা) - ১ টা, কাটি লোৱা, বিলাহী - ১ কাপ, কাটি লোৱা বিন - ১ কাপ, কাটি লোৱা, টিণ্ডা(Apple gourd) - ১ কাপ কাটি লোৱা, মিক্স বীন - ১ কাপ সিজাই লোৱা, ৰঙালাও 1 কাপ কাটি লোৱা, কল- ১ কাটি লোৱা, হালধি - ১/৪ চামুচ, নিমখ - সোৱাদ অনুসৰি, দৈ - ১/২ কাপ, নাৰিকল তেল - ২ চামুচ, জিৰা - ১ চামুচ, নৰসিংহ পাত(Curry leaves) - ৮-১০, ৰুকি লোৱা নাৰিকল - ৩/৪ কাপ, সেউজীয়া জলকীয়া- ৩ কটা, পানী - প্ৰয়োজন অনুসৰি
প্ৰক্ৰিয়া
ব্লেণ্ডাৰত নাৰিকল, জিৰা আৰু হালধি দি পেষ্ট বনাওক ।
কেৰাহীত পানী লৈ তাত সকলো শাক-পাচলি দি কোমল হোৱালৈকে উতলাই লওক ।
ইয়াৰ পিছত হালধি, নৰসিংহৰ পাত(Curry leaves), সেউজীয়া জলকীয়া, নিমখ আৰু তাৰ লগত নাৰিকলৰ পেষ্ট মিহলাই ল'ব ৷
ইয়াৰ পিছত দৈ, তেল আৰু জিৰা দি কম জুইত ২-৩ মিনিট মান ৰান্ধিব । মিশ্ৰণটো শুকান হোৱালৈকে ৰান্ধিব ।
- পায়সাম
উপকৰণ - ওটছ - ১ কাপ, গুৰ পাউডাৰ- ১/৪ কাপ, পানী - ১/৩ কাপ, নাৰিকলৰ গাখীৰ - ৩ কাপ, নাৰিকল তেল - ১ চামুচ, মিক্স ড্ৰাই ফ্ৰুইটছ- ১ কাপ, ইলাচি গুড়ি - ১/২ চামুচ
প্ৰক্ৰিয়া
এখন কেৰাহীত গুড় আৰু পানী একেলগে দি এনেদৰে ৰাখিব যাতে গুড় পানীৰ লগত ভালদৰে মিহলি হৈ যায় ।
ইয়াৰ পিছত তাত ওটছ দি দিব জুইত গৰম কৰিব । প্ৰায় ৩ মিনিটমান উতলিবলৈ দিব । ৰন্ধা পিছত তাত নাৰিকলৰ গাখীৰ দি ভালদৰে মিহলাই ল'ব ।
আন এখন কেৰাহীত নাৰিকলৰ তেল দি তাত বাদামখিনি লাহেকৈ ভাজিব ।
ইয়াৰ পিছত ওটছৰ মিশ্ৰণটোত মিক্স ড্ৰাই ফ্ৰুইটছ, ইলাচি গুড়ি দি অলপ সময় সিজাই ল'ব ।
গৰমা গৰমে পৰিবেশন কৰক পায়সাম ।
- কাডলা কাৰি
উপকৰণ - সিজাই লোৱা ক'লা বুট- ২৫০ গ্ৰাম, নাৰিকল - ১ কাপ ৰুকি লোৱা, পিয়াঁজ - ২, গোটা ৰঙা জলকীয়া- ১ চামুচ, গোটা ধনীয়া গুটি- ১ চামুচ, নাৰিকল তেল - ১ চামুচ, নহৰু - ২ গ্ৰাম কাটি লোৱা , নিমখ আৰু ৰঙা জলকীয়া পাউডাৰ সোৱাদ অনুসৰি গুড়ি, ক'লা সৰিয়হৰ গুটি - ১ চামুচ, পিঁয়াজ- ২ টা কটা, গৰম মছলা গুড়ি - ১ চামুচ, নৰসিংহ পাত(Curry leaves) - ৮-১০
প্ৰক্ৰিয়া
- কেৰাহীত তেল গৰম কৰক । ইয়াৰ নাৰিকল, পিয়াঁজ, গোটা ৰঙা জলকীয়া, ধনীয়া গুটি, নৰসিংহ পাত(Curry leaves) আৰু হালধি দি লাহে লাহে ভাজিব ।
এতিয়া মিক্সাৰত এই মিশ্ৰণখিনি অলপ ঠাণ্ডা কৰি ভালদৰে গুড়ি কৰি লওক ।
এতিয়া আন এখন কেৰাহীত তেল, সৰিয়হৰ গুটি, পিয়াঁজ, ধনীয়া গুড়ি, জলকীয়া পাউডাৰ, গৰম মছলা আৰু পিচি লোৱা মিশ্ৰণখিনি দি একেলগে ৰান্ধিব ।
ইয়াৰ পিছত তাত সিজাই লোৱা ক'লা বুটখিনি দিব । সোৱাদ অনুসৰি নিমখ দি সম্পূৰ্ণ কৰি গৰমে পৰিবেশন কৰক ।
লগতে পঢ়ক : Onam 2022: দক্ষিণ ভাৰতৰ কেৰালাৰ আটাইতকৈ জনপ্ৰিয় উৎসৱ ওনামৰ বিষয়ে জানক
