গৰমৰ সময়ছোৱাত শিশু সকলৰ প্ৰায়ে হিট ষ্ট্ৰক হোৱা দেখা যায় । অতি বেছি গৰমৰ বাবে শৰীৰ ডি হাইড্ৰেট হয় । গৰমত বাহিৰলৈ ওলালে প্ৰথমে হিট অৱসাদ (exhaustion) হয় । হিট অৱসাদ (exhaustion) হ’লে প্ৰথমে গোটেই শৰীৰ গৰম হৈ যায়, শিশুটি দুৰ্বল হৈ পৰে । হিট অৱসাদ (exhaustion)ৰ পিছৰ লক্ষণটো হৈছে হিট ষ্ট্ৰক। হিট ষ্ট্ৰকৰ হলে শিশুটিৰ গোটেই গা ৰঙা পৰি যায় । হিটষ্ট্ৰোক হলে মগজুত প্ৰভাৱো পৰিব পাৰে । বহু ক্ষেত্ৰত শিশুটি মূৰ্ছা যোৱাও দেখা যায় । এনে লক্ষণ দেখা দিলে অনতিপলমে চিকিৎসকৰ পৰামৰ্শ গ্ৰহণ কৰিব লাগে ।
গৰমৰ সময়ছোৱা বহু শিশুৰ ডায়েৰীয়াত ভোগা দেখা যায় । গৰমৰ কাৰণে খোৱা খাদ্য সমূহ সোনকালে বেয়া হৈ যায়। পুৰণি বা বহু সময় ধৰি বনাই থৈ দিয়া খাদ্য শিশুক খুৱালে ডায়েৰীয়া হ'ব পাৰে ।
ইয়াৰ উপৰিও এই সময়ছোৱাত ভাইৰেল জ্বৰ, আদিকে ধৰি বিভিন্ন ৰোগ শিশুৰ হ'ব পাৰে । সেয়ে শিশু সকলৰ এই সময়ছোৱাত যতন লোৱাটো অতি আৱশ্যকীয় ।
গৰমৰ সময়ছোৱাত শিশু সকলৰ ক্ষেত্ৰত ল’বলগীয়া সাৱধানতা সমূহ-
১) গৰমৰ সময়ছোৱাত শিশু সকলক পুৰণি খাদ্য খুৱাব নালাগে ।
২) শিশু সকলক সদায় সতেজ খাদ্য খুৱাব লাগে ।
৩) চাফ-চিকুণকৈ ৰাখিব লাগে ।
৪) শিশুক আহাৰ খুওৱাৰ পূৰ্বে সদায় হাত ধুই ল'ব লাগে ।
৫) পৰিয়ালৰ যদি কোনো সদস্যৰ বেমাৰ হৈ থাকে তেন্তে তেওঁৰ পৰা শিশুটিক দূৰত ৰাখিব লাগে ।
এনেদৰে আপোনাৰ শিশুটিৰ যতন লৈ, শিশুটিক সুস্থ আৰু সবল কৰি ৰাখিব পাৰে ।
লগতে পঢ়ক: Blood Circulation: ৰক্ত সঞ্চালন সঠিক নহ’লে দেখা যায় এই লক্ষণ, বিপদৰ পৰা হাত সাৰিবলৈ খাওক এই খাদ্য লগতে পঢ়ক: Symptoms Of Cough: আমাৰ শৰীৰে কফ বাঢ়িলে দিয়ে এনে সতৰ্কবাণী, কেতিয়াও আওকাণ নকৰিব এইসমূহ সতৰ্কবাণীক |
