মদ্যপান প্ৰায়ে লিভাৰৰ ক্ষতিৰ কাৰণ বুলি ধৰা হয় ৷ কিন্তু আপোনালোকৰ তথ্যৰ বাবে আমি আপোনালোকক জনাই দিও যে মদ্যপানেই কেৱল লিভাৰৰ ক্ষতিৰ একমাত্ৰ কাৰণ হ’ব নোৱাৰে ইয়াৰ আঁৰত আন বহুতো কাৰণ থাকিব পাৰে ৷
উল্লেখ্য যে, জনপ্ৰিয় টেলিভিছন শ্ব’ চিআইডিত ফ্ৰেডেৰিকছৰ চৰিত্ৰত অভিনয় কৰা অভিনেতা দীনেশ ফাডনিছৰ মঙলবাৰে ৫৭ বছৰ বয়সত মৃত্যু হয় । শ্ব’টোত দয়াৰ চৰিত্ৰত অভিনয় কৰা তেওঁৰ সহ অভিনেতা দয়ানন্দ শ্বেট্টীয়ে তেওঁৰ মৃত্যুৰ খবৰ আজি নিশ্চিত কৰিছে । পুৱা ১২.০৮ বজাত শেষ নিশ্বাস ত্যাগ কৰে অভিনেতাগৰাকীয়ে ৷
ইয়াৰ পূৰ্বে শনিবাৰে দিনেশৰ হাৰ্ট এটেক হোৱাৰ খবৰ আহি পৰাৰ পিছতে তেওঁক চিকিৎসালয়ত ভৰ্তি কৰোৱা হৈছিল । কিন্তু পিছত দয়ানন্দ শ্বেট্টীয়ে নিশ্চিত কৰে যে তেওঁৰ হাৰ্ট এটেক নহয় তেওঁৰ লিভাৰৰ ক্ষতিহে হৈছে । আজি আমি এই সমস্যাৰ বিষয়ে বিতংভাবে জানিবলৈ চেষ্টা কৰিম ৷
উল্লেখ্য যে, শৰীৰৰ ওজন বৃদ্ধি হ’লেও যকৃতৰ বাবে ক্ষতিকাৰক বুলি প্ৰমাণিত হ’ব পাৰে ৷ ইয়াৰ উপৰিও আন বহুতো বিপজ্জনক ভাইৰাছেও ইয়াৰ ক্ষতি কৰিব পাৰে ৷ চিকিৎসকৰ মতে, যদি লিভাৰত কোনো ধৰণৰ সমস্যা আৰম্ভ হয়, তেন্তে আপোনাৰ পেটৰ হজম প্ৰক্ৰিয়াও নষ্ট হৈ পৰিব পাৰে ৷ যকৃত হৈছে সমগ্ৰ শৰীৰৰ একমাত্ৰ অংগ যিয়ে আপোনাৰ সমগ্ৰ শৰীৰটোক বিষমুক্ত কৰাৰ কাম কৰে ।
যকৃতৰ ক্ষতিৰ প্ৰাৰম্ভিক লক্ষণসমূহ হ’ল-
যেতিয়া যকৃতে সঠিকভাৱে কাম কৰিব নোৱাৰে তেতিয়া ইয়াক যকৃতৰ বিকলতা বোলা হয় ৷ যকৃতৰ ক্ষতি হোৱা মানেই আপোনাৰ শৰীৰতো ইয়াৰ বিৰূপ প্ৰভাৱ দেখা যাব । ইয়াৰ প্ৰাৰম্ভিক লক্ষণ হ'ল বমি, ভোক কমি যোৱা আৰু মলদ্বাৰৰ পৰা তেজ নিৰ্গত হোৱা ।
ইয়াৰ পৰা হাত সাৰিবলৈ চিকিৎসকে সুৰা ত্যাগ আৰু কিছুমান বিশেষ বস্তু পৰিহাৰ কৰিবলৈ পৰামৰ্শ দিয়ে । খাদ্য খাবলৈ একেবাৰে অস্বীকাৰ কৰে৷ সেই পৰিস্থিতিতো যকৃতৰ ক্ষতি হ’ব পাৰে । যেতিয়া আপোনাৰ যকৃতত চৰ্বি জমা হয় । অথবা যদিহে যকৃতত কলেষ্টেৰল অস্বাভাৱিক মাত্ৰালৈ বৃদ্ধি পায়, তেন্তে যকৃতৰ ক্ষতিৰ সম্ভাৱনাও বৃদ্ধি পায় ।
মেদবহুলতা, দুৰ্বল জীৱনশৈলী আৰু অত্যধিক মদ্যপান আন কিছুমান কাৰক ।
ফাৰ্মাচিৰ পৰা গ্ৰহণ কৰা কিছুমান ঔষধেও যকৃতৰ ওপৰত অযথা বোজা জাপি দিয়ে যাৰ ফলত ইয়াৰ ক্ষতি হয় ।
চিকিৎসকে কয় যে, এই সকলোবোৰ ক্ষতি মিলি যকৃতৰ প্ৰদাহ হয়, যিটো সম্ভাব্য মাৰাত্মক অৱস্থা ৷ প্ৰদাহ হ’লে যকৃত ফুলি উঠে, যাৰ ফলত যকৃতৰ কোষৰ ক্ষতি হয় ৷ যকৃত ভাল হ’লে ই এটা দাগ এৰি দিয়ে ৷ যেতিয়া ৫০ শতাংশতকৈ অধিক যকৃতৰ ঠাইত দাগ পৰে, তেতিয়া ইয়াক চিৰ’ছিছ বা যকৃতৰ বিকলতা বুলি জনা যায় ।
যকৃতৰ ক্ষতিৰ প্ৰাৰম্ভিক লক্ষণ:
- ভোক কমি যোৱা
- পেটত বিষ আৰু ফুলা (ওপৰ সোঁফালে)
- যকৃত ফুলা
এই লক্ষণসমূহো দেখা দিব পাৰে:
- ছাল আৰু চকু হালধীয়া হোৱা, বা জণ্ডিচ
- বমি বা মলত তেজ
- ভৰি আৰু পেটত পানী জমা হোৱা
- ভাগৰ
- বমি ভাৱ
এতিয়া প্ৰশ্ন হৈছে যে এটা ক্ষতি হোৱা যকৃতক সুস্থ কৰিব পৰা যায়নে ?
যদি লিভাৰত কেৱল চৰ্বি থাকে আৰু ফুলা আৰু দাগ পৰাৰ দৰে কোনো লক্ষণ দেখা নাযায়, তেন্তে তলত উল্লেখিত এইবোৰ দিশত গুৰুত্ব দিলে ইয়াৰ ক্ষতি ৰোধ কৰিব পৰা যায়-
- মদ্যপান বন্ধ বা হ্ৰাস কৰা
- সুস্থ শৰীৰৰ ওজন বজাই ৰখা
- লিপিডৰ মাত্ৰা হ্ৰাস কৰা
হেপাটাইটিছৰ ক্ষেত্ৰত ইয়াৰ ক্ষতি ৰোধ কৰিব পাৰি ৷ কিন্তু ফাইব্ৰ’ছিছৰ ক্ষেত্ৰত ইয়াক প্ৰাৰম্ভিক পৰ্যায়তহে চিকিৎসাৰ দ্বাৰা ইয়াক নিৰাময় কৰিব পাৰি ৷ কাৰোবাৰ যকৃতৰ ৰোগ (ক্ৰনিক লিভাৰ বিকলতা) হ’লে বা ৭৫ শতাংশতকৈ অধিক ক্ষতি হ’লে লিভাৰ ট্ৰান্সপ্লাণ্ট কৰাটো বাঞ্ছনীয় ।
লগতে পঢ়ক: থাইৰয়ড কি ? ইয়াৰ লক্ষণসমূহ কি কি?
