কিছুদিনৰ পৰা মানুহৰ মাজত হৃদৰোগ অধিক বৃদ্ধি পোৱা দেখা গৈছে ৷ বিশেষকৈ যুৱক-যুৱতীসকলৰ মাজত হৃদযন্ত্ৰৰ সমস্যাৰ ফলত হোৱা মৃত্যুৰ শতাংশ বৃদ্ধি পাইছে ৷ হৃদযন্ত্ৰৰ সৈতে জড়িত যিকোনো সমস্যাৰ পৰা হাত সাৰিবলৈ ইয়াৰ বিভিন্ন ভাগবোৰৰ কাম জনাটো জৰুৰী যাতে প্ৰতিৰোধমূলক ব্যৱস্থা গ্ৰহণ কৰিব পৰা যায় ৷ চিকিৎসকে এই সন্দৰ্ভত কয় যে, ডায়েবেটিছ হৈছে এক বিপাকীয় বিকাৰ, যিয়ে হৃদযন্ত্ৰৰ স্বাস্থ্যৰ ওপৰত প্ৰভাৱ পেলায় ৷
উচ্চ ব্লাড গ্লুক’জ আৰু হাইপাৰ ইনচুলিনেমিয়াই হৃদস্পন্দনত যথেষ্ট প্ৰভাৱ পেলাব পাৰে ৷ বিশেষকৈ ডায়েবেটিছ ৰোগীৰ বাবে অধিক সমস্যাৰ সৃষ্টি হ’ব পাৰে ৷ নেশ্যনেল হাৰ্ট ইনষ্টিটিউটৰ তথ্য অনুসৰি ডায়েবেটিছ ৰোগীৰ হৃদৰোগৰ সম্ভাৱনা ডায়েবেটিছ নথকা লোকতকৈ যথেষ্ট বেছি ৷
ডায়েবেটিছে হৃদযন্ত্ৰৰ প্ৰতি কেনেদৰে ভাবুকি কঢ়িয়াই আনে ?
চিকিৎসকৰ মতে, যেতিয়া শৰীৰত ৰক্ত শৰ্কৰাৰ মাত্ৰা হঠাৎ কমি যায় আৰু বিপদজনক মাত্ৰাত উপনীত হয় তেতিয়া আমাৰ শৰীৰে কেটেকোলামাইন নামৰ হৰম’ন এটা নিৰ্গত কৰে ৷ এই হৰম’নবোৰে শৰীৰত ৰক্ত শৰ্কৰাৰ পৰিমাণ বৃদ্ধি কৰে ৷ একে সময়তে ৰক্ত শৰ্কৰাৰৰ মাত্ৰা বৃদ্ধি হ’লে ইনচুলিন আৰু অন্যান্য হৰম’ন নিৰ্গত হয় যাতে বৃদ্ধি পোৱা মাত্ৰা পুনৰ হ্ৰাস কৰিব পৰা যায়৷
চুগাৰৰ সমস্যা থকা লোকৰ ক্ষেত্ৰত হৰম’নৰ ভাৰসাম্যহীনতাৰ বাবে ৰক্ত শৰ্কৰাৰৰ মাত্ৰা বৃদ্ধি হৈ থাকে, যিটো হৃদযন্ত্ৰৰ বাবে বিপজ্জনক হ’ব পাৰে ৷ ইয়াৰ বাবে হাৰ্ট এটেক, ষ্ট্ৰোক আৰু কিডনীৰ সমস্যাও হ’ব পাৰে ৷
কেনেকৈ যত্ন ল’ব লাগে
যিহেতু ডায়েবেটিছ এক দুৰাৰোগ্য ৰোগ, গতিকে ইয়াক সম্পূৰ্ণৰূপে নিৰ্মূল কৰিব নোৱাৰি ৷ সুস্থ জীৱনশৈলীৰ ৰুটিনৰ জৰিয়তেহে ইয়াক নিয়ন্ত্ৰণ কৰিব পাৰি ৷ স্বাস্থ্য বিশেষজ্ঞসকলে কয় যে-
- আপোনাৰ ৰুটিনত ব্যায়াম অন্তৰ্ভুক্ত কৰক
- যিমান পাৰি খোজ কাঢ়ক
- কলেষ্টেৰল আৰু ৰক্তশৰ্কৰা পৰীক্ষা কৰক
- মানসিক চাপ কম কৰক আৰু যোগাসন কৰক
- সুষম খাদ্য গ্ৰহণ কৰিবলৈ হৃদযন্ত্ৰ বিশেষজ্ঞ খাদ্য বিশেষজ্ঞৰ পৰামৰ্শ গ্ৰহণ কৰক
লগতে পঢ়ক: Bone Marrow Transplant : দিল্লীৰ ফৰ্টিছ হাস্পতালত হাড়ৰ মজ্জা সংৰোপণ; ৩ ইৰাকী শিশুক নৱজীৱন প্ৰদান
