সুস্থ আৰু ফিট হৈ থাকিবলৈ ৱৰ্কআউট কৰাটো অতি প্ৰয়োজনীয় সেয়া আমি সকলোৱে জানো ৷ ব্যায়ামে আমাক কেৱল ফিটনেছ দিয়াই নহয় ইয়াৰ লগতে আমাৰ শৰীৰটোও সক্ৰিয় হৈ থকাত সহায় কৰে ৷ কিন্তু কেৱল ৱৰ্কআউটেই নহয়, ৱৰ্কআউটৰ পিছৰ খাদ্যও উন্নত ফলাফলৰ বাবে অতি গুৰুত্বপূৰ্ণ ৷ আমি যেতিয়া ৱৰ্কআউট কৰো তেতিয়া মাংসপেশীত জমা হোৱা গ্লুক’জ শক্তি হিচাপে ব্যৱহাৰ কৰা হয় ৷
ৱৰ্কআউট কৰাৰ পিছত আমি ভাগৰুৱা আৰু দুৰ্বল অনুভৱ কৰো ৷ এই কাৰণে ৱৰ্কআউটৰ পিছত খাদ্য খোৱাৰ প্ৰয়োজন হয় ৷ ৱৰ্কআউটৰ পিছত আহাৰ খোৱাটোৱে শৰীৰলৈ শক্তি কঢ়িয়াই আনে আৰু সক্ৰিয় কৰি ৰাখে ৷ সেয়ে আজি আমি আপোনালোকক ঘৰতে তৈয়াৰ কৰিব পৰা পোষ্ট ৱৰ্কআউটৰ খাদ্যৰ বিষয়ে জনাম, যি জিম যোৱাসকলৰ বাবে খুবেই লাভদায়ক হ’ব ৷
পোষ্ট ৱৰ্কআউটৰ খাদ্য
ৱৰ্কআউটৰ পিছত শৰীৰৰ পেশীবোৰত ক্ষয়-ক্ষতি হয়, যাৰ মেৰামতিৰ বাবে প্ৰটিন অতি গুৰুত্বপূৰ্ণ ৷ ৱৰ্কআউটৰ পিছত ঘৰতে বনোৱা প্ৰটিনযুক্ত খাদ্য যেনে গ্ৰীলড চিকেন, মচুৰ দাইলৰ চূপ আৰু পানীৰ চালাড দৈনন্দিন খাদ্য তালিকাত অন্তৰ্ভুক্ত কৰক ৷ একে সময়তে আমাৰ শৰীৰৰ শক্তিৰ উৎস হ’ল কাৰ্বহাইড্ৰেট ৷ গতিকে ৱৰ্কআউটৰ পিছত অটমিল, শাক-পাচলি-ৰোটি আৰু চাউল খাদ্য তালিকাত অন্তৰ্ভুক্ত কৰক ৷
শাক-পাচলিৰ চালাড খাব
ডায়েটিচিয়ানে কয় যে, চালাডত থকা কেঁচা বা সিজোৱা শাক-পাচলিও ৱৰ্কআউটৰ পিছৰ খাদ্যত অন্তৰ্ভুক্ত কৰিব পাৰে ৷ ফল-মূলেও আমাৰ শৰীৰ শক্তিৰে ভৰাই তোলে ৷ ফলৰ চালাড বা স্মুদি বনাই খাব পাৰে ৷ ৱৰ্কআউটৰ পূৰ্বে আৰু পিছত কাৰ্বহাইড্ৰেট, চৰ্বিহীন প্ৰ’টিন আৰু স্বাস্থ্যকৰ চৰ্বিৰ ভাৰসাম্যতা বজাই ৰখাটো গুৰুত্বপূৰ্ণ ৷ ইয়াত আপুনি গোটা শস্যৰ টোষ্ট, কল, কিছু চাউল আৰু সিজোৱা ব্ৰকলিৰ সৈতে গ্ৰীল কৰা বা কম তেলত ভজা মাছ খাব পাৰে ৷
এই খাদ্য শক্তিৰ মাত্ৰা বজাই ৰখাৰ লগতে বিপাকীয় ক্ৰিয়া শৃংখলাবদ্ধ কৰি ৰাখিবলৈ শৰীৰত পৰ্যাপ্ত পৰিমাণে হাইড্ৰেট কৰি ৰখাটোও সমানেই গুৰুত্বপূৰ্ণ ৷ ইয়াৰ লগতে সঠিক খাদ্যাভ্যাসৰ প্ৰতিও গুৰুত্ব দিয়াটো জৰুৰী ৷
লগতে পঢ়ক: Hypertension: উচ্চ ৰক্তচাপৰ বাবে চিন্তিত, এই ৫বিধ জিংক সমৃদ্ধ খাদ্যই দিব সকাহ
