ওদালগুৰি, 16জুলাইঃ ওদালগুৰিৰ কলাইগাঁৱত উটি যোৱাৰ উপক্ৰম হৈছে পকী দলং । কলাইগাঁৱৰ খাম্ফাখলাত ২০১৮ চনতে ৬০ লাখ টকা ব্যয় সাপেক্ষে নিৰ্মাণ কৰি উলিওৱা দলংখনৰ এটা অংশ বহি যোৱাৰ ফলত আতংকিত হৈ পৰিছে স্থানীয় ৰাইজ । খাম্ফাখলা মা কামাখ্যা দেৱালয়লৈ যোৱা পথত থকা এই দলংখন এনেকৈ উটি যোৱাৰ ফলত দেৱালয়খনলৈ যোৱা পথটো বন্ধ হোৱাৰ ফলত দুখ প্ৰকাশ কৰিছে অঞ্চলটোৰ ৰাইজে । স্থানীয় ৰাইজে বিভাগীয় কৰ্তৃপক্ষক দলংখন পুনৰ নিৰ্মাণৰ দাবী জনোৱাৰ সমান্তৰালকৈ দলঙখন নিৰ্মাণৰ অনিয়ম সংঘটিত হোৱাৰ বাবেই পানীৰ সোঁত কম থকাৰ পিছতো দলংখন উটি যোৱাৰ উপক্ৰম হোৱা বুলি অভিযোগ কৰে । ইপিনে কোঁচ-ৰাজবংশী ছাত্ৰ সন্থাৰ লগতে স্থানীয় ৰাইজে দলঙখন নিৰ্মাণত হোৱা বিসংগতিৰ বাবে তদন্তৰ দাবী জনাইছে ৷
কলাইগাঁৱত যিকোনো মুহূৰ্ততে উটি যাব পাৰে পকী দলং
