ওদালগুৰি,16 মাৰ্চঃ ঘোষণা হ'ল বিপিএফৰ অন্তিমখন প্ৰাৰ্থীৰ তালিকা | বিপিএফৰ অন্তিমখন তালিকাত ওদালগুৰি জিলাৰ ধনশ্ৰী সমষ্টিৰ প্ৰাৰ্থী হিচাপে ঘোষণা কৰা হয় ফ্ৰেচ মোছাহাৰীৰ নাম ৷ নেতা জনে সমষ্টিটোৰ পৰা প্ৰাৰ্থিত্ব লাভ কৰাৰ পিছতে এতিয়া আনন্দত মতলিয়া হৈ পৰিছে বিপিএফৰ নেতা কৰ্মীসকল ৷ সোমবাৰে নেতাগৰাকীৰ ওদালগুৰি চহৰৰ পুৰণি গৰৈবাৰীত থকা বাসগৃহত গামোচা, আৰনাই, ফুলৰ থোপা আদিৰে উষ্ম আদৰণি জনায় সহস্ৰাধিক দলীয় নেতা কৰ্মীয়ে ৷
আনহাতে, প্ৰৰ্থীত্ব লাভ কৰাৰ পিছতে ফ্ৰেচ মোছাহাৰীয়ে হাগ্ৰামা মহিলাৰী আৰু বিপিএফ দলক ধন্যবাদ জনোৱাৰ লগতে আগন্তুক বিটিচি নিৰ্বাচনত তেখেতৰ জয় নিশ্চিত বুলি দাবী কৰে ৷ সমষ্টিটোৰ বিগত নিৰ্বাচনত এআইইউডিএফ দলে জয় লাভ কৰিছিল যদিও এইবাৰ সমষ্টিটোত এআইইউডিএফে আসন লাভ নকৰে বুলিও মন্তেব্য কৰে ফ্ৰেচ মোছাহাৰীয়ে ৷ ইপিনে সমষ্টিটোত ফ্ৰেচ মোছাহাৰীয়ে প্ৰাৰ্থীত্ব লাভ কৰাৰ পিছতে আত্মবিশ্বাসী হৈ পৰা বিপিএফ দলৰ নেতা কৰ্মীসকলে অতি সহজে সমষ্টিটো পুনৰবাৰ নিজৰ দখলত আনিব পাৰিব বুলি আশা কৰিছে ৷
লগতে পঢ়ক-ঘাতক ৰূপী খুড়া : অন্ কেমেৰা হত্যাকাণ্ডৰ হু-বহু ভাষ্য !
