ওদালগুৰি,7 জুন: ওদালগুৰি জিলাৰ ওৰাঙৰ নীচলামাৰীত সোমবাৰে পুৱতি নিশা সংঘটিত হয় এক ভয়ংকৰ পথ দুৰ্ঘটনা । 15 নং ৰাষ্ট্ৰীয় ঘাইপথৰ দাঁতিত থকা এডাল প্ৰকাণ্ড গছত এখন ট্ৰাকে নিয়ন্ত্ৰণ হেৰুৱাই খুন্দা মাৰে ।
AP-37-TA-3989 নম্বৰৰ ট্ৰাকখন গুৱাহাটীৰ পৰা তেজপুৰ অভিমুখে গৈ থকাৰ সময়তে পথ দুৰ্ঘটনাটো সংঘটিত হয় ৷ যাৰ ফলত ট্ৰাকখনৰ হেণ্ডিমেনজন থিতাতে নিহত হয় । নিহত হেণ্ডিমেনজনৰ নাম সঞ্জিত দাস বুলি জানিব পৰা গৈছে ৷ সঞ্জিত দাসৰ ঘৰ পশ্চিম বংগৰ নদিয়া জিলাৰ কিষান গঞ্জ থানাৰ আদিত্য পাৰাত বুলি আৰক্ষীয়ে প্ৰকাশ কৰিছে ৷
লগতে পঢ়ক: চিকিৎসক নিগ্ৰহৰ ঘটনাক লৈ হেল্থ চিটি হাস্পতালেও সাব্যস্ত কৰিলে প্ৰতিবাদ
