ওদালগুৰি, 5 জুলাই: ওদালগুৰিত আৰক্ষীয়ে পুনৰ অভিযান চলাই দুই স্থানৰ পৰা উদ্ধাৰ কৰে বুজন পৰিমানৰ অস্ত্ৰ-শস্ত্ৰ ৷ শনিবাৰে নিশা ওদালগুৰি থানাৰ উপ আৰক্ষী অধীক্ষক মইদুল ইছলাম , ওদালগুৰি থানাৰ ভাৰপ্ৰাপ্ত আৰক্ষী বিষয়া নাৰায়ন পটংগীয়াৰ নেতৃত্বত যোৱা এটা দলে অভিযান চলাই ওদালগুৰি থানাৰ অন্তৰ্গত শিংৰিঝোৰাৰ পৰা এটা M ২০ পিষ্টল, এটা ৯ MM পিষ্টল, ২ টা মেগজিন , ১০ জাই সজীৱ গুলী উদ্ধাৰ কৰে ।
লগতে পঢ়কঃ শীঘ্ৰে অনুষ্ঠিত হোৱাৰ সম্ভাৱনা শিৱসাগৰ বিধানসভাৰ উপ নিৰ্বাচন
আনহাতে, হৰিশিঙা থানাৰ অন্তৰ্গত ৪ নং আমজুলিত আৰক্ষীয়ে AK ৫৬ ৰাইফল, তিনিটা মেগজিন, ৭.৬২ mm ৰ ৭১ জাই সজীৱ গুলী উদ্ধাৰ কৰে । পুৱতি নিশা ৪:০০ বজাত ভেৰগাঁও মহকুমা আৰক্ষী বিষয়া নিৰ্মল ঘোষ, হৰিশিঙা থানাৰ ভাৰপ্ৰাপ্ত আৰক্ষী বিষয়া প্ৰেমাংকুৰ হাজৰিকাৰ নেতৃত্বত চলিছিল এই অভিযান ৷উল্লেখ্য যে, 28 জুনত ওদালগুৰি থানাৰ অন্তৰ্গত মাজখুটি খেমেন গাঁৱৰ পুখুৰী এটাৰ কাষৰ জংঘলৰ পৰাও আৰক্ষীয়ে অস্ত্ৰ-শস্ত্ৰ উদ্ধাৰ কৰিছিল ৷
