ওদালগুৰি,10 মাৰ্চঃ সত্ৰীয়া পৰম্পৰা অনুসৰি ওদালগুৰিৰ শ্ৰীমন্ত শংকৰদেৱ সত্ৰত দেওবাৰৰ পৰা চাৰিদিনীয়া বৰ্ণিল কাৰ্যসূচীৰে আৰম্ভ হয় শ্ৰীশ্ৰীকৃষ্ণৰ দৌল মহোৎসৱ ৷ মঙলবাৰে তৃতীয় দিনৰ কাৰ্যসূচী অনুসৰি অনুষ্ঠিত হয় আকৰ্ষণীয় বাটৰ হোলী প্ৰতিযোগিতা । উক্ত প্ৰতিযোগিতাত জিলাখনৰ ভিন্ন প্ৰান্তৰ কুৰিটা দলে অংশগ্ৰহণ কৰে ৷ স্থানীয় বিষ্ণু ৰাভা কৃষ্টিসংঘৰ পৰা আৰম্ভ হোৱা এই প্ৰতিযোগিতাখনৰ শ্ৰীমন্ত শংকৰদেৱ সত্ৰত সামৰণি পৰে । দৌল মহোৎসৱৰ অন্তিম দিনা অৰ্থাৎ বুধবাৰে অনুষ্ঠিত হ’ব সুঁৱেৰী উৎসৱ ৷
বুধবাৰৰ দিনটোত স্থানীয় ৰাইজে ৰাজহুৱাকৈ ফাকুৱা খেলাৰ লগতে শ্রীমন্ত শংকৰদেৱৰ সত্ৰৰ পৰা আৰম্ভ হ’বলগীয়া ঘুনুচা যাত্ৰাত অংশ ল’ব । ইয়াৰ পিছত অনুষ্ঠিত হ’ব আকৰ্ষণীয় বাঁহ ভঙা প্ৰদৰ্শন আৰু কৃষ্ণ গোঁসাইৰ গৃহত প্ৰৱেশ । দৌল উৎসৱৰ অন্তিমটো দিনত হাজাৰ হাজাৰ লোকৰ ভিৰ কামনা কৰিছে দৌল উৎসৱ উদযাপন সমিতিয়ে ৷
লগতে চাওকঃনতুন দলং নিৰ্মাণৰ বাবে অস্থায়ীৰূপে বন্ধ বালিপাৰা টাৱাং সংযোগী পথ
