ওদালগুৰি, 2 জুনঃ সমগ্ৰ বিশ্বতে আতংকৰ সৃষ্টি কৰা কোভিড-19 মহামাৰীত আক্ৰান্ত লোকসকলক চিকিৎসা কৰি থকা ওদালগুৰি অসামৰিক চিকিৎসালয়ৰ প্ৰথমটো চিকিৎসাকৰ্মীৰ দলক আজি কোৱাৰেন্টাইনৰ বাবে প্ৰেৰণ কৰা হয় ।
চিকিৎসাকৰ্মীৰ দলটোক জিলাখনৰ ভৈৰৱকুণ্ডত থকা ধনশ্ৰী ৰিজৰ্টত কোৱাৰেন্টাইন কৰা হৈছে বুলি স্বাস্থ্য বিভাগে জনাইছে । আজি কোৱাৰেন্টাইনত প্ৰেৰণ কৰা 22 জনীয়া চিকিৎসাকৰ্মীৰ দলটোত আছে 3গৰাকী চিকিৎসক,12গৰাকী নাৰ্চ,3 গৰাকী লেবৰেটৰী টেকনিচিয়ান,3 গৰাকী ক্লিনাৰ আৰু এগৰাকী চতুৰ্থবৰ্গৰ কৰ্মচাৰী ।
ওদালগুৰি অসামৰিক চিকিৎসালয়ত আজি পৰ্যন্ত 26 জনকৈ কোভিড-19 আক্ৰান্ত লোক চিকিৎসাধীন হৈ আছে । আনহাতে বহিঃৰাজ্যৰ পৰা আজিলৈ 2118গৰাকী লোক ওদালগুৰি জিলাত আহি উপস্থিত হোৱা বুলি জিলা স্বাস্থ্য বিভাগে জনাইছে । ইপিনে সোমবাৰলৈ জিলাখনৰ বিভিন্ন কোৱাৰেন্টাইন চেন্টাৰত থকা 740 জন লোকক মুকলি কৰি হোম কোৱাৰেন্টাইনত থাকিবলৈ নিৰ্দেশ দিয়া হৈছে ৷
লগতে চাওকঃ জি-৭ত ৰাছিয়াৰ প্ৰত্যাৱৰ্তনত বিৰোধিতা ব্ৰিটেইন আৰু কানাডাৰ
