ডিগবৈ, 21 জুন : ডিগবৈৰ পাণবাৰী তিনিআলিৰ পৰা সোমবাৰে সেনা আৰু আৰক্ষীৰ এটা দলে যৌথ অভিযান চলাই এগৰাকী আলফা(স্বা) ৰ লিংকমেন (ULFA Linkman) ক আটক কৰে ৷ আটক কৰা যুৱকজন বিজয় মৰাণ (২৫) বুলি জানিব পৰা হৈছে ৷ বিজয় মৰাণে বাইকেৰে ডিগবৈ অভিমুখে আহি থকা অৱস্থাত আদবাটতে সেনা আৰু আৰক্ষীৰ দলে আটক কৰে ৷ যুৱকজনৰ বিৰুদ্ধে আলফা (ULFA)ৰ নামত ধন দাবী কৰাৰ অভিযোগ উত্থাপন হৈছে ৷
বিজয় মৰাণৰ পৰা সেনা আৰু আৰক্ষীৰ দলে প্ৰায় ১৫ হাজাৰ নগদ ধনসহ এখন বাইক আৰু এটা হস্তনিৰ্মিত পিষ্টল জব্দ কৰে ৷ বিজয়ে সন্দদ্বীপ শৰ্মা নামৰ ব্যক্তিজনক দাবী কৰা ১৫ হাজাৰ টকা আদায় কৰি অনাৰ সময়তে সেনা-আৰক্ষীৰ দলে আটক কৰে ৷ ধৃত মৰাণ পেঙেৰীৰ ২ নং নলনিৰ দিনেশ্বৰ মৰাণৰ পুত্ৰ ৷ উল্লেখ্য যে, বিগত সময়ত উজনি অসম (Upper Assam)ৰ পৰা বহু যুৱকে আলফা (ULFA i)ত যোগদান কৰাৰ কথা জানিব পৰা হৈছে ৷
লগতে পঢ়ক : গেৰুৱা সাজ পিন্ধিলে সদ্য পদত্যাগী বিধায়ক ৰূপজ্যোতি কুৰ্মীয়ে
