শদিয়াত উগ্ৰপন্থীৰ সন্ধানত অসম আৰক্ষীৰ ব্যাপক অভিযান

প্ৰতি বছৰে গণৰাজ্য দিৱস,স্বাধীনতা দিৱস বৰ্জন কৰি আহিছে আলফা স্বাধীনকে ধৰি উত্তৰ-পূৰ্বৰ কেইবাটাও বিদ্ৰোহী সংগঠনে। গণৰাজ্য দিৱসত যাতে বিদ্ৰোহী সংগঠন সমূহে কোনো ধৰণৰ কূটাঘাত সংঘটিত কৰিব নোৱাৰে তাৰ বাবে সষ্টম কৰি তোলা হৈছে নিৰাপত্তা বাহিনীক । স্পৰ্শকাতৰ অঞ্চল সমূহত বৃদ্ধি কৰা হৈছে নিৰাপত্তা ব্যৱস্থা। শুকুৰবাৰে অসম-অৰুণাচল সীমান্তৰ উগ্ৰপন্থীৰ ৰম্যভূমি টেঙাপানীত আৰক্ষীৰ অভিযান ৷ চাওক আমাৰ সাংবাদিক প্ৰশান্ত খাটোৱালৰ বিশেষ প্ৰতিবেদন....

তিনিচুকীয়া. 24 জানুৱাৰীঃ গণৰাজ্য দিৱসলৈ মাজত মাত্ৰ এটা দিন বাকী থকা অৱস্থাত সমগ্ৰ ৰাজ্যজুৰি উগ্ৰপন্থীৰ কুটাঘাট ৰোধ কৰিবলৈ সষ্টম হৈ পৰিছে অসম আৰক্ষী। শুকুৰবাৰে শদিয়াৰ অসম-অৰুণাচল সীমান্তৰ টেঙাপানীত ন-দিহিং নদী পাৰ হৈ শদিয়া আৰক্ষীয়ে চলালে ব্যাপক অভিযান। অসম অৰুণাচল সীমান্তৱৰ্তী শদিয়াৰ বিভিন্ন অঞ্চলত উগ্ৰপন্থীৰ কূটাঘাত ৰোধ কৰাৰ উদ্দেশ্যে পুৱাৰ পৰা অভিযান চলাই ৷

বিদ্ৰোহী সংগঠনৰ সদস্যৰ সন্ধানত আৰক্ষী

প্ৰতি বছৰে গণৰাজ্য দিৱস,স্বাধীনতা দিৱস বৰ্জন কৰি আহিছে আলফা স্বাধীনকে ধৰি উত্তৰ-পূৰ্বৰ কেইবাটাও বিদ্ৰোহী সংগঠনে । গণৰাজ্য দিৱসত যাতে বিদ্ৰোহী সংগঠন সমূহে কোনো ধৰণৰ কূটাঘাত সংঘটিত কৰিব নোৱাৰে তাৰ বাবে সষ্টম কৰি তোলা হৈছে নিৰাপত্তা বাহিনীক । স্পৰ্শকাতৰ অঞ্চল সমূহত বৃদ্ধি কৰা হৈছে নিৰাপত্তা ব্যৱস্থা। শুকুৰবাৰে অসম-অৰুণাচল সীমান্তৰ উগ্ৰপন্থীৰ ৰম্যভূমি টেঙাপানীত শদিয়াৰ অতিৰিক্ত আৰক্ষী অধীক্ষক সত্য ৰঞ্জন শইকীয়া,উপ-আৰক্ষী অধীক্ষক পৃথিৰাজ ৰাজখোৱা আৰু ছৈখোৱা আৰক্ষী থানাৰ ভাৰপ্ৰাপ্ত আৰক্ষী বিষয়া চামছুদ্দিন আহমেদৰ নেতৃত্বত চলে উগ্ৰপন্থীৰ বিৰুদ্ধে অভিযান ৷ নাৱেৰে ন-দিহিং নদী পাৰহৈ উগ্ৰপন্থীৰ অন্যতম আশ্ৰয় থলী টেঙাপানী অঞ্চলত উগ্ৰপন্থীৰ গতিবিধি নিৰীক্ষণ কৰে আৰক্ষীৰ দলে ।

ইপিনে শদিয়া আৰক্ষী জিলাৰ স্পৰ্শকাতৰ অঞ্চল সমূহত ধাৰাবাহিক অভিযান অব্যাহত ৰাখিছে শদিয়াৰ আৰক্ষী অধীক্ষক বি ভি মিনাই । ইতিমধ্যে গণৰাজ্য দিৱসৰ কাৰ্যসূচী বৰ্জনৰ বাবে বাৰ্তা প্ৰেৰণ কৰিছে আলফা স্বাধীনৰ কৰ্তৃপক্ষই ৷ তাৰ পৰিপ্ৰেক্ষিটত এতিয়া ৰাজ্যজুৰি এইদৰে সষ্টম হৈ পৰিছে সেনা-আৰক্ষী ৷

অসম-অৰুণাচল সীমান্তৰ টেঙাপানীত অভিযান

লগতে চাওকঃগুণমুগ্ধক শোক সাগৰত পেলাই অজান দেশলৈ ড0 গোলক চন্দ্ৰ গোস্বামী