ডুমডুমা,15 জানুৱাৰী : তিনিচুকীয়া জিলাৰ ডুমডুমাৰ ভিতৰুৱা কৰদৈগুৰি গাঁৱত শনিবাৰে অনুষ্ঠিত হোৱা খিলঞ্জীয়াৰ ৰণ হুংকাৰ কাৰ্যসূচীত অংশগ্ৰহণ সদৌ অসম ছাত্ৰ সন্থাৰ সাধাৰণ সম্পাদক লুৰিণ জ্যোতি গগৈৰ ৷ এই ৰণ হুংকাৰ কাৰ্যসূচীত অংশ গ্ৰহণ কৰিবলৈ গৈ লুৰিণ জ্যোতি গগৈয়ে কৰদৈগুৰিৰ আশ্ৰয় শিৱিৰত বসবাস কৰা ১২ টা খিলঞ্জীয়া পৰিয়ালৰ মৰ্মবেদনাৰ বুজ ল'য় । ১৯৯২ চনৰ পৰা বান-খহনীয়াত সৰ্বস্ব হেৰুৱাই এখন বিদ্যালয়ত বিগত ২৮ টা বছৰে আশ্ৰয় লোৱা ১২ টাকৈ পৰিয়ালৰ অৱস্থাৰ বুজ লৈ এই বিষয়ত জাতি-মাটি-ভেটিৰ কথা কোৱা মুখ্যমন্ত্ৰী সৰ্বানন্দ সোণোৱালক তীব্ৰ সমালোচনা কৰে আছুৰ সম্পাদক গৰাকীয়ে । ছাত্ৰনেতাজনক কাষত পাই আবেগিক হৈ পৰে আশ্ৰয় শিবিৰত দিন পাৰ কৰা পীড়িত লোকসকল । উল্লেখ্য যে কৰদৈগুৰি অঞ্চলত ১০২ টা পৰিয়ালে বান-খহনীয়াত সৰ্বস্ব হেৰুওৱাই বৰ্তমানেও আশ্ৰয় শিবিৰত দিন পাৰ কৰি আছে ।
২৮ বছৰে কৰদৈগুৰিৰ আশ্ৰয় শিৱিৰত দিন পাৰ কৰা পৰিয়ালৰ কাষত লুৰিণ জ্যেতি গগৈ
