তিনিচুকীয়া, 6 নৱেম্বৰ : তিনিচুকীয়া জিলাৰ ফিল'বাৰী আৰক্ষী থানাৰ অন্তৰ্গত ৰংপুৰ গাঁৱত এক শোকাৱহ ঘটনা সংঘটিত হৈছে ৷ ৰংপুৰ গাঁও নিবাসী সুৰেন খাড়িয়া আৰু গোলাপী ফুকন খাড়িয়াৰ 6 বছৰীয়া কন্যা ৰুনুমী খাড়িয়া পুখুৰীত পৰি মৃত্যু হোৱা বুলি জানিব পৰা গৈছে ।
নিশা ঘৰৰ পাছফালে থকা এটা পুখুৰীত ৰুনুমী খাড়িয়াৰ মৃতদেহ উদ্ধাৰ হয় । নিশাই ফিল'বাৰী আৰক্ষী ঘটনাস্থলীত উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে তিনিচুকীয়ালৈ প্ৰেৰণ কৰিছে ।
উল্লেখ্য যে,ৰুনুমী খাড়িয়া বৃহস্পতিবাৰৰ সন্ধিয়াৰ পৰা সন্ধানহীন হৈ আছিল ৷
লগতে পঢ়ক : প্ৰশান্ত ফুকন চেলেপু মানুহঃ নীলমনি সেন ডেকা
