তিনিচুকীয়া, 7 জানুৱাৰী : বিগত কিছুদিনৰ পৰা তিনিচুকীয়াৰ ফিল'বাৰীৰ বিভিন্ন অঞ্চলত দ্ৰুত গতিত চলি আছে ভূ-কম্পন জৰীপৰ কাম (Seismic exploration experiment in Philobari) । এই জৰীপৰ বাবে কৰিব লগীয়া হৈছে বোমা বিস্ফোৰণ ৷ ইয়াৰ ফলত ইতিমধ্যে ফিল'বাৰীৰ বহু অঞ্চলৰ বাসগৃহসমূহৰ লগতে বিদ্যালয়ৰ পকী খুটা আৰু পকী দেৱালসমূহত মেলিছে ফাঁট ।
স্থানীয় ৰাইজে অভিযোগ কৰা অনুসৰি ভূ-কম্পন জৰীপৰ বাবে কাটি তহিলং কৰা হৈছে বহু মূল্যবান গছ-গছনি ৷ আনকি, এই জৰীপৰ বাবেই কৃষিভূমিতো ব্যাপক প্ৰভাৱ পৰা পৰিলক্ষিত হৈছে (Seismic exploration effect in Philobari) ৷ কিন্তু, আচৰিত কথা যে, জিলাখনত সদা সৰৱ ভূমিকা পালন কৰি অহা দল-সংগঠন, পৰিৱেশকৰ্মী সকলোৱে এই ক্ষেত্ৰত পালন কৰিছে নীৰৱ দৰ্শকৰ ভূমিকা ৷
উল্লেখযোগ্য যে, মাত্ৰ এটা বছৰ পূৰ্বে ফিল’বাৰীৰ পৰা মাত্ৰ কেইটামান কিলোমিটাৰ নিলগৰ বাঘজানত অইল কৰ্তৃপক্ষৰ ভুলৰ বাবেই বিপদাপন্ন হৈছিল মানুহৰ জীৱন আৰু সম্পত্তি (Baghjan fire incident) ৷
পুনৰবাৰ এতিয়া ফিল’বাৰীত ভূ-কম্পন জৰীপৰ নামত অন্য এটা ভয়াৱহ ঘটনা সংঘটিত হোৱাৰ আগেয়ে বিহিত ব্যৱস্থা লোৱাৰ আশা কৰিছে স্থানীয় ৰাইজে ৷ ইয়াৰোপৰি জৰীপৰ নামত হোৱা লোকচানৰ বাবে ক্ষতিপূৰণৰ ব্যৱস্থা কৰাৰো দাবী উঠাইছে ফিল'বাৰীৰ ৰাইজে ৷
লগতে পঢ়ক : New SOP in Assam: কি কি আছে নতুন SOP ত ?
