তিনিচুকীয়া, 29 ডিচেম্বৰঃ ৰাজ্যত অব্যাহত আছে জাতিধ্বংসী নাগৰিকত্ব সংশোধনী আইন বিৰোধী প্ৰতিবাদ ৷ দেওবাৰে তিনিচুকীয়া জিলাৰ মাকুমত সদৌ অসম ছাত্ৰ সন্থাসহ 30 টা সংগঠনে বিধেয়ক খনৰ বিৰোধিতাৰে ৰূপায়ণ কৰিলে "জনতাৰ কণ্ঠ" নামে প্ৰতিবাদী কাৰ্যসূচী ৷ একেদৰে মাৰ্ঘেৰিটাত আছুৱে পালন কৰে "মাৰ্ঘেৰিটা গৰ্জন" নামে প্ৰতিবাদী কাৰ্যসূচী ৷ মাৰ্ঘেৰিটাৰ টাউন হাইস্কুল খেলপথাৰত ৫ সহস্ৰাধিকৰো অধিক প্ৰতিবাদী ৰাইজে প্ৰতিবাদ সাব্যস্ত কৰে ৷
মাকুমৰ ৰজনীকান্ত বৰদলৈ খেলপথাৰত সাব্যস্ত প্ৰতিবাদত অংশগ্ৰহণ কৰি অসম জাতীয়তাবাদী যুৱ পৰিষদৰ সম্পাদক উদয়ণ কুমাৰ গগৈয়ে অসমবাসীক আইনখনৰ বিৰোধিতাৰে এক অভিনৱ পদক্ষেপ গ্ৰহণ কৰিবৰ বাবে আহ্বান জনায় ৷
প্ৰত্যেক অসমীয়াকে ম'বাইলত কথা পতাৰ সময়ত হেল্ল' ৰ পৰিৱৰ্তে জয় আই অসম ক'বৰ বাবে আহ্বান জনায় নেতাগৰাকীয়ে ৷ অনুষ্ঠানত সদৌ মৰাণ ছাত্ৰ সন্থাৰ সভাপতি অৰুণজ্যোতি মৰাণৰ লগতে কেইবাটাও সংগঠনৰ কেইবাগৰাকীও নেতাৰ লগতে বহু সংখ্যক প্ৰতিবাদকাৰীয়ে অংশগ্ৰহণ কৰে ৷
লগতে পঢ়কঃ CAA সমৰ্থন কৰাৰ বাবেই বিধায়কক দলৰ পৰা বহিস্কাৰ কৰিলে মায়াৱতীয়ে
