পৰ্যটকৰ আৰ্কষণৰ নতুন কেন্দ্ৰ বিন্দু 'কুণ্ডিল পক্ষী'

এনে পৰিস্থিতিৰ মাজতো কিছুমান ভাল পদক্ষেপে পৰিৱেশ প্ৰকৃতিৰ ভাৰসাম্য ৰক্ষাৰ ক্ষেত্ৰত কিছু আশাৰ ৰেঙণি সঞ্চাৰ কৰে ৷ ইয়াৰে এক উদাহৰণ "সেউজী শদিয়া সেনানী" ৷

তিনিচুকীয়া, 3 জুলাইঃ অবাধ হাৰত বন ধ্বংসৰ লগতে বন্যপ্ৰাণীৰ নিধন যজ্ঞই পৃথিৱীৰ বুকুলৈ কঢ়িয়াই আনিছে অশনি সংকেত ৷ এনে পৰিস্থিতিৰ মাজতো কিছুমান ভাল পদক্ষেপে পৰিৱেশ প্ৰকৃতিৰ ভাৰসাম্য ৰক্ষাৰ ক্ষেত্ৰত কিছু আশাৰ ৰেঙণি সঞ্চাৰ কৰে ৷ ইয়াৰ এক উদাহৰণ "সেউজী শদিয়া সেনানী" ৷ প্ৰকৃতি সুৰক্ষাৰ ক্ষেত্ৰত এক ব্যতিক্ৰমী প্ৰদক্ষেপ ল'বলৈ আগবাঢ়ি আহিছে "সেউজী শদিয়া সেনানী" নামৰ প্ৰকৃতি প্ৰেমী সংগঠনটো । শদিয়াৰ কেইগৰাকীমান যুৱকৰ দ্বাৰা গঠন হোৱা সংগঠনটোৰ তত্ত্বাৱধানত পৰ্যটন আৰু পক্ষী সংৰক্ষণৰ গুৰুত্বপূৰ্ণস্থলীলৈ পৰিৱৰ্তিত হৈছে শদিয়াৰ চাপাখোৱা সদৰ পৰা আধা কিলোমিটাৰ নিলগৰ কুণ্ডিল নদীৰ পাৰত থকা এটি জলাশয় ৷