বলীন চেতিয়াৰ বিৰুদ্ধে দলীয় কৰ্মীক প্ৰাণে মৰাৰ অভিযোগ

শনিবাৰে শদিয়াৰ বিজেপি নেত্ৰী ৰুবী মণি বৰুৱাৰ নেতৃত্বত শান্তিপুৰৰ পৰা ধলালৈকে উলিওৱা বাইক ৰেলীত অংশগ্ৰহণৰ বাবে গৈছিল জ্যেষ্ঠ বিজেপি কৰ্মী ঔম প্ৰকাশ উপাধ্যায় ৷ সেই সময়তেই কোনো দুৰ্বৃত্তই তেওঁক ফোনযোগে গুলিৱাই মৰাৰ ভাবুকি প্ৰদান কৰে ৷

ডুমডুমা,21 ফেব্ৰুৱাৰী: শদিয়াৰ এগৰাকী জ্যেষ্ঠ বিজেপি কৰ্মীক গুলীয়াই মৰাৰ ভাবুকি প্ৰদান ৷ বিধায়ক বলিন চেতিয়াৰ বাসগৃহৰ পৰা কোনো অজ্ঞাত লোকে ফোন কৰি প্ৰাণে মৰাৰ ভাবুকি প্ৰদান কৰাৰ অভিযোগ উত্থাপন কৰিছে বিজেপি কৰ্মী ঔম প্ৰকাশ উপাধ্যায়ে ।

উল্লেখ্য যে, শনিবাৰে শদিয়াৰ বিজেপি নেত্ৰী ৰুবী মণি বৰুৱাৰ নেতৃত্বত শান্তিপুৰৰ পৰা ধলালৈকে এক বাইক ৰেলী বাহিৰ কৰা হৈছিল । উক্ত বাইক ৰেলীত অংশগ্ৰহণ কৰিছিল জ্যেষ্ঠ বিজেপি কৰ্মী ঔম প্ৰকাশ উপাধ্যায়ে । এই ৰেলীত অংশগ্ৰহণ কৰাৰ সময়তেই উপাধ্যায়ক শদিয়াৰ বিধায়ক বলিন চেতিয়াৰ বাসগৃহৰ পৰা কোনো অজ্ঞাত লোকে ফোনযোগে গুলীয়াই মৰাৰ ভাবুকি প্ৰদান কৰা বুলি অভিযোগ উত্থাপন কৰে জ্যেষ্ঠ বিজেপি কৰ্মীগৰাকীয়ে ৷

বিজেপিৰ এগৰাকী জ্যেষ্ঠ কৰ্মীক এইদৰে নিজ দলৰে বিধায়কৰ ঘৰৰ পৰা ফোনযোগে অহা মৃত্যুৰ ভাবুকি দিয়াত চাঞ্চল্যৰ সৃষ্টি কৰিছে ।

লগতে পঢ়ক-নিৰ্বাচনৰ পূৰ্বে চাহ শ্ৰমিকৰ মন জয় কৰাৰ প্ৰচেষ্টা চৰকাৰৰ