ডুমডুমা, 19 ফেব্ৰুৱাৰী: অত্যাৱশ্যকীয় সামগ্ৰীৰ আকাশলংঘী মূল্যবৃদ্ধিৰ প্ৰতিবাদত ডুমডুমাৰ ফিল'বাৰীত আছুৰ গণ বিক্ষোভ কাৰ্যসূচী ৷ সদৌ অসম ছাত্ৰ সন্থাৰ আহ্বান মৰ্মে শুকুৰবাৰে ডুমডুমাত ফিল'বাৰী আঞ্চলিক ছাত্ৰ সন্থাই অঞ্চলটোৰ বিভিন্ন জাতীয়-জনগোষ্ঠীয় দল-সংগঠন আৰু ৰাইজৰ সহযোগত এই গণ বিক্ষোভ কাৰ্যসূচী ৰূপায়ন কৰে ৷
ফিল'বাৰীৰ গাভৰুভেটিত অঞ্চলটোৰ কেইবাখনো বিদ্যালয়ৰ ছাত্ৰ-ছাত্ৰীৰ উপস্থিতিত আছুৰ বিষয়ববীয়া আৰু স্থানীয় ৰাইজে এই প্ৰতিবাদ সাব্যস্ত কৰি চৰকাৰক অথি শীঘ্ৰে মূল্যবৃদ্ধি ৰোধ কৰাৰ ক্ষেত্ৰত ব্যৱস্থা গ্ৰহণ কৰাৰ বাবে দাবী উত্থাপন কৰে ৷
চৰকাৰৰ বিৰুদ্ধে মূল্যবৃদ্ধি ৰোধ কৰাৰ ক্ষেত্ৰত ব্যৰ্থতাৰ অভিযোগ উত্থাপন কৰি প্ৰতিবাদী ৰাইজে ৰন্ধন গেছ, পেট্ৰ'ল ,ডিজেল আৰু আলু পিঁয়াজৰ মালা লৈ বিভিন্ন প্ৰতিবাদী শ্ল'গানেৰে পৰিৱেশ উত্তাল কৰি তোলে ৷
লগতে পঢ়ক: মূল্যবৃদ্ধিৰ বিৰুদ্ধে নলবাৰী আঞ্চলিক ছাত্র সন্থাৰ বিক্ষোভ
