তিনিচুকীয়া,৮ জানুৱাৰী : অসমত বিভিন্ন সময়ত ড্ৰাগছ সৰবৰাহৰ বিৰুদ্ধে আৰক্ষীয়ে কঠোৰ পদক্ষেপ গ্ৰহণ কৰি আহিছে । কিন্তু তাৰ মাজতে একাংশ দুষ্টচক্ৰই চলাই গৈছে ড্ৰাগছৰ ৰমৰমীয়া বেহা । এইবাৰ ড্ৰাগছ বিৰোধী অভিযান চলালে তিনিচুকীয়া আৰক্ষীয়ে। তিনিচুকীয়াৰ মাকুমত শুকুৰবাৰে আৰক্ষীয়ে চলোৱা ড্ৰাগছ বিৰোধী অভিযানত আৰক্ষীৰ জালত পৰে চাৰিজনকৈ ড্ৰাগছ সৰবৰাহকাৰী ।
আটকাধীন সৰবৰাহকাৰী কেইজন হ’ল ধনজ্যোতি ডাঙৰীয়া,দখন্ত দুৱৰা,বিদুবন বৰুৱা আৰু দিপক বৰা । আটাইকেইজনৰ পৰা কিছু হেৰ’ইন,ক’কেইনসহ ১ লাখ ৯৯ হাজাৰ টকা আৰু বহু আপত্তিজনক সামগ্ৰী উদ্ধাৰ কৰিছে তিনিচুকীয়া আৰক্ষীয়ে ৷
উল্লেখ যে অঞ্চলটোত দীৰ্ঘদিনৰ পৰা ধৃত লোককেইজনৰ বিৰুদ্ধে ড্ৰাগছ বিক্ৰীৰ অভিযোগ উঠি আহিছিল ৷ তিনিচুকীয়াৰ উপ-আৰক্ষী অধীক্ষক হেমন্ত বড়োৰ নেতৃত্বত চলিছিল এই অভিযান ৷
লগতে পঢ়ক :চিৰাঙত কৰ'ণা টীকাকৰণৰ অনুশীলন
