শদিয়া,17 ছেপ্তেম্বৰ: দেশৰ অন্যতম প্ৰভাৱশালী প্ৰধানমন্ত্ৰী নৰেন্দ্ৰ মোডীৰ আজি 70 সংখ্যক জন্মদিন ৷ ইতিমধ্যে প্ৰধানমন্ত্ৰীগৰাকীৰ জন্মদিনৰ লগত সংগতি ৰাখি ভাৰতীয় জনতা পাৰ্টীয়ে 14 ছেপ্তেম্বৰৰ পৰা 20 ছেপ্তেম্বৰলৈ সপ্তাহযোৰা কাৰ্যসূচীৰে পালন কৰে সেৱা সপ্তাহ ৷ সেই উপলক্ষে দলটোৱে গ্ৰহণ কৰিছে ভিন্ন কাৰ্যসূচী ৷
গছপুলি ৰোপণ
ৰাজ্যৰ অন্যান্য জিলাসমূহৰ দৰে শদিয়া সমষ্টিৰ কাকপথাৰতো গছপুলি ৰোপণেৰে প্ৰধানমন্ত্ৰীগৰাকীৰ জন্মদিনৰ কাৰ্যসূচী পালন কৰে বিজেপিয়ে ৷ তদুপৰি সেৱা সপ্তাহ পালনৰ বাবে ভাৰতীয় জনতা যুৱ মৰ্চাই গ্ৰহণ কৰিছে ৰক্তদান শিবিৰ, খাদ্য সামগ্ৰী বিতৰণ, ৰোগীৰ মাজত ফল-মূল বিতৰণ আদিৰ দৰে কাৰ্যসূচী ৷ এই সকলো কাৰ্যসূচীৰ বিষয়ে অৱগত কৰে জিলা যুৱ মৰ্চাৰ সভাপতি তীৰ্থৰাজ নেওঁগে ৷
লগতে চাওকঃ মৎস উৎপাদনৰে স্বাৱলম্বী ৰঙিয়াৰ দুই ব্যক্তি
