তিনিচুকীয়া,20 জানুৱাৰী: মন্ত্ৰীত্ব লাভ কৰা পিছতেই গৃহ চহৰত উপস্থিত সঞ্জয় কিষাণক আছুৰ ক'লা পতাকা, ক'লা বেলুন প্ৰদৰ্শন । সোমবাৰে মন্ত্ৰীত্ব লাভ কৰি তিনিচুকীয়াৰ বিধায়ক সঞ্জয় কিষাণ গৃহ চহৰ তিনচুকীয়ালৈ আহি থকা অৱস্থাত হাতে হাতে ক'লা পতাকা, ক'লা বেলুন লৈ বাইক ৰেলীৰ জৰিয়তে তীব্ৰ প্ৰতিবাদ কৰে আছুৰ লগতে বিভিন্ন জাতীয় জনগোষ্ঠীয় দল সংগঠনৰ বিষয়ববীয়াই । কিন্তু আৰক্ষীয়ে প্ৰতিবাদকাৰীসকলক বাধা প্ৰদান কৰি স্তব্ধ কৰে ক'লা পতাকা আৰু ক'লা বেলুনৰ ৰেলী ৷
লগতে পঢ়ক:শীঘ্ৰেই অসমৰ পৰা সেনা কৰ্তন কৰিব কেন্দ্ৰীয় চৰকাৰে
আনহাতে নতুন মন্ত্ৰীগৰাকী গৃহ চহৰত উপস্থিত হোৱাৰ পিছতে ঢোলে দগৰে আদৰণি জনালে সমষ্টিবাসীয়ে । কিন্তু নতুন মন্ত্ৰীগৰাকী তিনিচুকীয়াত উপস্থিত হোৱাৰ সময়ত একমাত্ৰ ডিগবৈৰ বিধায়ক সুৰেণ ফুকনৰ বাদে দেখা পোৱা নগ'ল জিলাখনৰ অন্যান্য বিধায়ক সকলক ।
