ডুমডুমা, 9 ডিচেম্বৰ : ডিগবৈ বিধানসভা সমষ্টিৰ অন্তৰ্গত মাকুম গংগাবাৰীত নতুনকৈ নিৰ্মান কাৰ্য সম্পূৰ্ণ হোৱা "৩৩/১১ কে. ভি. গংগাবাৰী বিদ্যুৎ বিতৰণ কেন্দ্ৰ" ৰ বুধবাৰে আনুষ্ঠানিকভাৱে শুভাৰম্ভ কৰা কৰা হ'য় । অসম শক্তি বিতৰণ কোম্পানীৰ এ.ডি.বি. ট্ৰেন্স-৪ যোজনাৰ অধীনত "৩৩/১১কে ভি গংগাবাৰী বিদ্যুৎ বিতৰণ কেন্দ্ৰ"ৰ উদ্বোধন কৰে ডিগবৈ সমষ্টিৰ বিধায়ক সুৰেন ফুকনে ।
আনহাতে, গংগাবাৰীত নিৰ্মাণ হোৱা এই বিদ্যুৎ বিতৰণ কেন্দ্ৰটোৰ ফলত বৃহত্বৰ গংগাবাৰী অঞ্চলৰ লগতে ইয়াৰ পাৰ্শ্বৱৰ্তী গ্ৰামাঞ্চল আৰু চাহ বাগিছা অঞ্চলৰ লোকসকল বিশেষভাৱে উপকৃত হ'ব বুলি আশা কৰা হৈছে । উদ্বোধনী অনুষ্ঠানত অসম শক্তি বিতৰণ বিভাগৰ কেইবাজনো বিষয়ববীয়াৰ লগতে অঞ্চলটোৰ বহুসংখ্যক লোক উপস্থিত থাকে ।
