মাৰ্ঘেৰিটা,21অক্টোবৰ: মাৰ্ঘেৰিটাৰ জাগুনৰ বিষ্ণুপুৰত মংগলবাৰে নিশা এটা প্ৰকাণ্ড বনৰীয়া হাতীৰ মৃত্যু হয় ৷ উচ্চ ক্ষমতা সম্পন্ন বিদ্যুৎ তাঁৰত লাগি হাতীটোৰ মৃত্যু হয় ৷ ৰমন ৰাই নামৰ এজন ব্যক্তিৰ চাহ বাগানত সংঘটিত হয় এই শোকাৱহ ঘটনাটো ৷ ১১ হাজাৰ কে বি উচ্চ ক্ষমতা সম্পন্ন বিদ্যুতৰ তাঁৰ মাটিৰ পৰা প্ৰায় ৯ ফুট ওপৰৰে যোৱাৰ বাবেই এই ঘটনা সংঘটিত হোৱাৰ কথা প্ৰকাশ কৰে স্থানীয় ৰাইজে ৷
ইফালে,শক্তি বিভাগৰ লোকক এই সন্দৰ্ভত কেইবাবাৰো অৱগত কৰাৰ পাচতো বিভাগটোৰ কৰ্মচাৰীৰ হেমাহি তথা অমনোযোগীতাৰ বাবে এই শোকাৱহ তথা মৰ্মান্তিক ঘটনা সংঘটিত হোৱা বুলি প্ৰকাশ কৰে স্থানীয় ৰাইজে ৷
অন্য এক খবৰৰ বাবে: অনলাইন শিক্ষাৰে বিদেশত সুনাম অসম কন্যাৰ
