তিনিচুকীয়া,১৫ মে': ভাৰতীয় সেনাৰ জাগুনস্থিত ১৪ ৰাজপুত ৰেজিমেণ্টৰ সাফল্য । সেনাৰ অভিযানত আটক দুৰ্ধৰ্ষ এনএছচিএন কেডাৰ লক্ষীকান্ত কুম্বাং । জাগুনৰ নামফাই বনাঞ্চলৰ পৰা দুৰ্ধৰ্ষ কেডাৰজনক আটক কৰে । ধৃত কেডাৰজনৰ পৰা সেনাবাহিনীয়ে জাৰ্মানীত নিৰ্মিত এটা 7.65 এম এম পিষ্টলৰ সৈতে কেইবাজাঁই গুলী জব্দ কৰে । ধৃত লক্ষীকান্ত কুম্বাং জাগুনৰ কাংকান গাঁৱৰ বাসিন্দা উমাকান্ত কুম্বাঙৰ পুত্ৰ । ২০২০ চনত লক্ষীকান্তই এনএছচিএন(আৰ)ত যোগদান কৰিছিল ।
পৰৱৰ্তী সময়ত নতুনকৈ গঠন হোৱা লিবাৰেল ডেমক্ৰেটিক কাউঞ্চিল অৱ মিচিং লেণ্ড চমুকৈ LDCML নামৰ উগ্ৰপন্থী সংগঠনটোত যোগদান কৰিছিল । সেনাবাহিনীয়ে কেডাৰজনক আটক কৰি লেখাপানী আৰক্ষী থানাত চমজাই দিছে ।
লগতে পঢ়ক: ২৪ ঘণ্টাত মৰিগাঁৱত ১৯৭ জন কৰ'ণাত আক্ৰান্ত
