তিনিচুকীয়া,29 নৱেম্বৰঃ বৃহস্পতিবাৰৰ পৰা তিনিচুকীয়া জিলাৰ চলিহা নগৰ খেলপথাৰত অনুষ্ঠিত হৈছে ৰাষ্ট্ৰীয় গ্ৰন্থ মেলা ৷ গ্ৰন্থ মেলাৰ দ্বিতীয় দিনা অৰ্থাৎ শুক্ৰবাৰে গ্ৰন্থ মেলাৰ বাকৰিত অনুষ্ঠিত হয় কবি সন্মিলন অনুষ্ঠান ৷ য'ত উপস্থিত থাকে সাংবাদিক প্ৰশান্ত খাটোৱাল আৰু মনোৰঞ্জন মৰাণ ৷ এই অনুষ্ঠানত মুনিন দুৱাৰৰ সম্পাদনাত তিনিচুকীয়াৰ পৰা প্ৰকাশিত উজনি অসমৰ জনপ্ৰিয় তিনিমহীয়া কাব্য আলোচনী 'কুঁহি'ৰ দশম বছৰৰ অষ্টাদশ সংখ্যাতো উন্মোচন কৰা হয় ৷ আলোচনীখন উন্মোচন কৰে বিশিষ্ট কবি ডাঃ প্ৰণয় ফুকনে ৷
আনহাতে, অনুষ্ঠানত কুঁহিৰ তৰফৰ পৰা মহাবিদ্যালয়সমূহৰ ছাত্ৰ-ছাত্ৰী সকলকৰ মাজত অনুষ্ঠিত কৰা হয় এখন কবিতা প্ৰতিযোগিতা ৷ কবিতা প্ৰতিযোগিতাত প্ৰথম স্থান লাভ কৰা ফিল'বাৰী মহাবিদ্যালয়ৰ ছাত্ৰী গৌৰী শইকীয়াক নগদ পাঁচ হেজাৰ টকা, মানপত্ৰ, গামোচা, দ্বিতীয় স্থান লাভ কৰা তিনিচুকীয়া ৱিমেনছ কলেজৰ ছাত্ৰী প্ৰেৰণা গোহাঁইক নগদ তিনি হাজাৰ, মানপত্ৰ, গামোচা আৰু তৃতীয় স্থান লাভ কৰা ডিগবৈ মহাবিদ্যালয়ৰ ছাত্ৰ চুমিত দাসক নগদ দুই হাজাৰ টকা, মানপত্ৰ, গামোচাৰে উৎসাহিত কৰে কুঁহি প্ৰকাশন গোষ্ঠীয়ে ।
অন্য এক খবৰৰ বাবে : অসুৰক্ষিত হায়দৰাবাদ: শ্বামছাবাদত আকৌ উদ্ধাৰ মহিলাৰ গলিত মৃতদেহ
