শদিয়া,4আগষ্টঃ নাগৰিকত্ব সংশোধনী আইন ২০১৯ আৰু EIA ২০২০ বাতিলৰ লগতে কৃষক নেতা অখিল গগৈ ৰ মুক্তিৰ দাবীত কাকপথাৰ অসমীয়া দূৰ্গাপূজা মন্দিৰৰ প্ৰাংগনত সন্মিলিত সংগ্ৰামী মঞ্চৰ উদ্যোগত মঙলবাৰে এক অৱস্থান ধৰ্মঘট কাৰ্যসূচী ৰূপায়ন কৰে ৷ সংগঠনটোৰ অৰ্ধ শতাধিক কৰ্মীয়ে CAA আমি নামানো , বিজেপি চৰকাৰ হুছিয়াৰ, আৰ এছ এছ হুছিয়াৰ , অখিল গগৈক মুক্তি দিয়ক, EIA বাতিল কৰক ইত্যাদি শ্লগানেৰে পৰিবেশ উত্তাল কৰি তোলে ৷
CAA বাতিল আৰু অখিল গগৈৰ মুক্তিৰ দাবীত কাকপথাৰত অৱস্থান ধৰ্মঘট
উক্ত কাৰ্যসূচীৰ জৰিয়তে প্ৰতিবাদকাৰী সকলে যিকোনো বিনিময়ত নাগৰিকত্ব সংশোধনী আইন ২০১৯ ৰ লগতে EIA খচৰা ২০২০ গ্ৰহণ নকৰাৰ হুংকাৰ প্ৰদান কৰে ৷ চৰকাৰে অতি শ্ৰীঘ্ৰে CAA আৰু EIA 2020 বাতিল নকৰিলে প্ৰয়োজনত তীব্ৰতৰ আন্দোলন গঢ়ি তুলিব বুলি প্ৰতিবাদকাৰী সকলে চৰকাৰক শকীয়াই দিয়ে ৷
লগতে পঢ়কঃ চাকৰি নিয়মীয়াকৰণৰ দাবীৰে গুৱাহাটীত সদৌ অসম টেট উত্তীৰ্ণ শিক্ষক সমাজৰ সংবাদমেল
