মাৰ্ঘেৰিটা,14 নৱেম্বৰ : দীপাৱলীৰ দিনটোতেই মাৰ্ঘেৰিটাৰ বিধায়ক ভাস্কৰ শৰ্মাৰ অনুৰাগী মঞ্চৰ এক প্ৰশংসনীয় পদক্ষেপ । মঞ্চৰ আহ্বায়ক জ্যোতিষ ৰায়ৰ নেতৃত্বত লিডুৰ সাংবাদিক হেমন্ত ৰাজবংশীৰ বাসগৃহত উপস্থিত হয় ।
উল্লেখ্য যে,কেইবছৰমান পূৰ্বে উচ্চ ৰক্তচাপত আক্ৰান্ত হৈ গুৰুতৰভাৱে চিকিৎসাধীন হৈছিল সাংবাদিক ৰাজবংশী । চিকিৎসকৰ প্ৰচেষ্টা আৰু বহুজনৰ আৰ্শীবাদত ৰাজবংশীয়ে নতুন জীৱন লাভ কৰে যদিও এতিয়াও তেওঁ সম্পূৰ্ণৰূপে সুস্থ হৈ উঠা নাই ।
সাংবাদিক গৰাকীৰ বাসগৃহত মাটি চাকি জ্বলাই পোহৰৰ আভাস দি অনুৰাগী মঞ্চই ফুলাম গামোচাৰে সম্বৰ্ধনা জনোৱাৰ লগতে বিভিন্ন উপহাৰৰ টোপোলা আৰু খাদ্য সামগ্ৰী আদিৰে মৰম যাচে । অনুৰাগী মঞ্চই আগবঢ়োৱা মৰমে চকু সেমেকাই পেলায় পত্নীসহ সাংবাদিক হেমন্ত ৰাজবংশীৰ ।
লগতে পঢ়ক : সাংবাদিক পৰাগ ভূঞা হত্যাৰ বিৰুদ্ধে এজেপিৰ মৌন প্ৰতিবাদ
