তিনিচুকীয়া, 21 আগষ্টঃ মাৰ্ঘেৰিটা জাগুনৰ টিংকুপানী সংৰক্ষিত বনাঞ্চলত বন ধ্বংস যজ্ঞ ৷ অসম অৰুণাচলৰ এচাম অসাধু কাঠ মাফিয়াৰ দপদপনি এতিয়া সংৰক্ষিত বনাঞ্চলখনত ৷ শ শ কুণ্ডা সৰবৰাহ অৰুণাচললৈ । অসম বন বিভাগৰ কৰ্মচাৰী জড়িত থকাৰ অভিযোগ উত্থাপন ৷ টিংকুপানী সংৰক্ষিত বনাঞ্চলত এইবাৰ কলা হীৰা কয়লা খননৰ পৰিবৰ্তে বন মাফিয়াৰ চকু বনাঞ্চল খনৰ মূল্যবান হুলোং গছৰ ওপৰত । নিতৌ শ শ হুলোং গছৰ কুণ্ডা চুবুৰীয়া ৰাজ্য অৰুণাচল প্ৰদেশৰ নামফাই,খাৰছাং আদি বিভিন্ন স্থানলৈ সৰবৰাহ কৰা হয় আহিছে । অসম আৰু অৰুণাচল প্ৰদেশৰ কেইজনমান বন মাফিয়াই নিতৌ হাতী-জেচিবি ব্যৱহাৰ কৰি এই ৰমৰমীয়া ব্যৱসায় চলাই অহাৰ অভিযোগ উত্থাপন কৰে স্থানীয় ৰাইজে ৷
মাৰ্ঘেৰিটাৰ জাগুনত বন ধ্বংস যজ্ঞ
