তিনিচুকীয়া,9 মাৰ্চ : অৱশেষত মঙলবাৰে জামিন লাভ কৰিলে বিজেপি নেত্ৰী দীপাঞ্জলি কাকতিয়ে । তিনিচুকীয়া সত্ৰ আদালতে জামিন মঞ্জুৰ কৰে দীপাঞ্জলি কাকতিৰ ।
উল্লেখ্য যে, 2020 চনৰ 8 নৱেম্বৰত কাকপথাৰ আৰক্ষী থানাৰ এছ আই অপূৰ্ব দাসক প্ৰহাৰ কৰিছিল বিজেপি নেত্ৰী গৰাকীয়ে ৷ ইয়াৰ পাচতে আৰক্ষীয়ে নিজ বাসগৃহৰ পৰা গ্ৰেপ্তাৰ কৰিছিল নেত্ৰী গৰাকীক ৷
কেইবাবাৰো জামিন নাকচ হোৱাৰ পাচত অৱশেষত তিনিচুকীয়া সত্ৰ আদালতে জামিন মঞ্জুৰ কৰে অভিযুক্ত নেত্ৰী গৰাকীৰ ৷ দীপাঞ্জলি কাকতি বিজেপিৰ এগৰাকী সক্ৰিয় কৰ্মী হোৱাৰ লগতে নৱগঠিত মৰাণ স্বায়ত্ব পৰিষদৰো কাৰ্যবাহী সদস্য আছিল ।
লগতে পঢ়ক : লবীকেন্দ্ৰিক ৰাজনীতিত বিধ্বস্ত কংগ্ৰেছ: কল্যাণ গগৈ
