তিনিচুকীয়াৰ মাৰ্ঘেৰিটাত আৰক্ষীৰ গুলীচালনা

তিনিচুকীয়া আৰক্ষীৰ গুলীচালনাত আঘাতপ্ৰাপ্ত অভিযুক্ত ৷ পলায়নৰ চেষ্টা কৰোতে অভিযুক্তক উদ্দেশ্যি গুলীচালনা কৰিলে আৰক্ষীয়ে ৷

তিনিচুকীয়া, 10 নৱেম্বৰ : তিনিচুকীয়াৰ মাৰ্ঘেৰিটাত অভিযুক্তলৈ লক্ষ্য কৰি আৰক্ষীৰ গুলীচালনা ৷ কিছুদিন পূৰ্বে ৰাহুল দাস নামৰ এজন ব্যক্তিক হত্যা কৰাৰ অপৰাধত আৰক্ষীয়ে কৰায়ত্ত কৰিছিল বিক্ৰম দাস নামৰ লোকজনক ৷ আৰক্ষীৰ জিম্মাত থকা বিক্ৰমে মঙলবাৰে নিশা পলায়নৰ চেষ্টা কৰোতে আৰক্ষীয়ে গুলীচালনা কৰে ৷ আৰক্ষীৰ গুলীত বাওঁভৰিত আঘাতপ্ৰাপ্ত হয় বিক্ৰম ৷

সম্প্ৰতি বিক্ৰমক ভৰ্তি কৰোৱা হৈছে ডিব্ৰুগড় চিকিৎসা মহাবিদ্যালয় হাস্পতালত ৷ বিক্ৰমে পত্নীৰ বায়েকৰ পুত্ৰ ৰাহুলক পাৰিবাৰিক কন্দলৰ পৰিণতিত হত্যা কৰিছিল ৷ উক্ত হত্যাকাণ্ডৰ পিছতে আৰক্ষীয়ে আটক কৰিছিল বিক্ৰম দাসক ৷

লগতে চাওক: স্থায়ী ঠিকনা পালে লাইকাৰ ১৬০ টা পৰিয়ালে