নিষিদ্ধ হেৰ'ইনৰ সৈতে আটক ড্ৰাগছসৰবাহকাৰী

ড্ৰাগছ ব্যৱসায়ৰ লগত জড়িত ১০ জনকৈ লোকক কৰায়ত্ত কৰিবলৈ সক্ষম হয় নাহৰকটীয়া আৰক্ষী ৷ নাহৰকটীয়া আৰক্ষী চকীৰ ভাৰপ্ৰাপ্ত আৰক্ষী বিষয়া ভাস্কৰ শইকীয়াৰ নেতৃত্বত এটা দলে গোপন তথ্যৰ ভিত্তিত বুধবাৰে বিয়লি আটক কৰে ১০ জনকৈ যুৱকক ৷

নাহৰকটীয়া, 29 জানুৱাৰীঃ নাহৰকটীয়া আৰক্ষীৰ বৃহৎ সাফল্যতা ৷ ড্ৰাগছ ব্যৱসায়ৰ লগত জড়িত ১০ জনকৈ লোকক কৰায়ত্ত কৰিবলৈ সক্ষম হয় নাহৰকটীয়া আৰক্ষী ৷ নাহৰকটীয়া আৰক্ষী চকীৰ ভাৰপ্ৰাপ্ত আৰক্ষী বিষয়া ভাস্কৰ শইকীয়াৰ নেতৃত্বত এটা দলে গোপন তথ্যৰ ভিত্তিত বুধবাৰে বিয়লি আটক কৰে ১০ জনকৈ যুৱকক ৷ আনহাতেে আটকাধীনসকলৰ পৰা উদ্ধাৰ কৰিছে দুই লাখ টকাৰ নিষিদ্ধ হেৰ'ইন ৷ উল্লেখ্য যে আটক কৰা কেউজনেই হৈছে নাহৰকটীয়া, নামৰূপ আৰু জয়পুৰ অঞ্চলৰ ৷ ইতিমধ্যে আৰক্ষীৰ জালত পৰা পান্না দে, নিতুল দাস, সঞ্জু বৈদ্য, পাপ্পু সাহাৰ ঘৰ হৈছে নাহৰকটীয়াত ৷ ধৃত হীৰকজ্যোতি খাকলাৰী, চিন্তু গগৈ আৰু ৰাজু দেৱনাথ হৈছে জয়পুৰৰ ৷ আনহাতে ধৰা পৰা ভীষণ তীৰৱাল নামৰূপৰ আৰু সমিৰণ বৰা নামৰ যুৱকজন হৈছে বৰডুমচাৰ ৷ ইয়াৰে চিন্তু গগৈ আৰু নিতুল দাসে জড়িত আছিল ড্ৰাগছ ব্যৱসায়ৰ আঁৰত বাকীসকল আছিল ড্ৰাগছ সেৱনকাৰী ৷

আৰু পঢ়কঃভাগীৰথীৰ বুকুত প্লাষ্টিক নিষ্কাশণ কৰা নাৱৰীয়াজন