তিনিচুকীয়া, 4 নৱেম্বৰঃ তিনিচুকীয়াত পুনৰ সংঘটিত হৈছে চাঞ্চল্যকৰ ডকাইতিৰ ঘটনা ৷ তিনিচুকীয়াৰ ডুমডুমাত সংঘটিত হৈছে এই ঘটনা ৷ দেওবাৰে নিশা প্ৰায় 9 মান বজাত সংঘটিত হয় ডকাইতিৰ ঘটনাটো ৷ ডুমডুমা কলিয়াপানী নিবাসী তথা উচামাটিস্থিত "মিনু মটৰ্ছ"ৰ স্বত্বাধিকাৰী সঞ্জয় আগৰৱালাক বন্দুক দেখুৱাই দুৰ্বৃত্তই লুটি নিয়ে নগদ ধনৰ লগতে চলাই অহা স্কুটীখন ৷ তিনিজনীয়া দুৰ্বৃত্তৰ দলটোৱে প্ৰথমে ব্যৱসায়ীজনক মূৰত আক্ৰমণ কৰি স্কুটীসহ নগদ 50 হাজাৰ টকা লৈ উধাও হয় ৷ অৱশ্যে ঘটনাৰ কিছুসময়ৰ পাচতেই স্কুটীখন দুৰ্ঘটনাগ্ৰস্ত হয় যদিও ঘটনাস্থলীতে স্কুটী এৰি নগদ ধনসহ পলায়ন কৰে অস্ত্ৰধাৰী যুৱকৰ দলটোৱে ৷
ঘটনা সন্দৰ্ভত ব্যৱসায়ীগৰাকীয়ে এয়া ডকাইতিৰ পৰিৱৰ্তে অপহৰণৰ চেষ্টা বুলি জনাইছে ৷ ইতিমধ্যে চিকিৎসাধীন হৈ থকা ব্যৱসায়ীগৰাকীয়ে স্থানীয় আৰক্ষী চকীত এক গোচৰ ৰুজু কৰিছে ৷
লগতে পঢ়কঃ বাংলাদেশীৰ সহযোগত অসমত অবৈধ প্ৰৱেশ নাইজেৰিয়ান লোকৰ
