তিনিচুকীয়া,5 নৱেম্বৰঃ বৃহস্পতিবাৰে তিনিচুকীয়া জিলাৰ মাৰ্ঘেৰিটাৰ বিধানসভা সমষ্টিৰ অন্তৰ্গত পেঙেৰীত AJYCP ৰ প্ৰতিবাদী কাৰ্যসূচী ৰূপায়ন কৰে ৷ AJYCP ৰ পেঙেৰী-বৰডুমচা আঞ্চলিক সমিতিয়ে মূল্য বৃদ্ধিৰ বিৰুদ্ধে এই প্ৰতিবাদী কাৰ্যসূচী ৰূপায়ন কৰে ৷ প্ৰতিবাদকাৰী সকলে যোগান মন্ত্ৰী ফণীভূষন চৌধুৰী আৰু অসমৰ মুখ্যমন্ত্ৰী সৰ্বানন্দ সোনোৱালৰ প্ৰতিকৃতি দাহ কৰি প্ৰতিবাদী কাৰ্যসূচী ৰূপায়ণ কৰে।
প্ৰতিবাদকাৰী সকলে যোগান মন্ত্ৰী মুৰ্দাবাদ, ফনীভূষন চৌধুৰী গ’বেগ, বিজেপি চৰকাৰ হায় হায় আদি ধ্বনিৰে প্ৰতিবাদস্থলী উত্তাল কৰি তুলে ৷ প্ৰতিবাদস্থলীত তিনিচুকীয়া জিলা সমিতিৰ যুটীয়া সম্পাদক দেৱজিৎ সোনাৰ, জিলাৰ ক্ৰীড়া সম্পাদক ৰঞ্জন মৰাণ, লগতে আঞ্চলিক সমিতি সভাপতি, সম্পাদককে আদি কৰি ভালেই সংখ্যক কৰ্মকৰ্তা আৰু স্থানীয় লোক উপস্থিত থাকে । আনহাতে চৰকাৰে যদি অতি শীঘ্ৰে বস্তুৰ মূল্যবৃদ্ধি ৰোধ নকৰে তেন্তে অনাগত দিনত তীব্ৰ গনতান্ত্ৰিক আন্দোলন গঢ়িতুলাৰ হুংকাৰ প্ৰদান কৰে সংগঠনটোৱে ।
লগতে পঢ়কঃ মুখ্যমন্ত্ৰীয়ে সোঁৱৰিলে ভাৰত ৰত্ন ডঃ ভূপেন হাজৰিকাক
