নিষিদ্ধ ঘোষিত বিদ্ৰোহী সংগঠন আলফা স্বাধীন গোটত অব্যাহত আছে ধাৰাবাহিক খহনীয়া । বৃহস্পতিবাৰে দুই আলফা কেডাৰে তিনিচুকীয়াৰ সেনা-আৰক্ষীৰ ওচৰত আত্মসমৰ্পণ কৰাৰ পিছতে শুকুৰবাৰে পুনৰ তিনিচুকীয়াত ছয়জন আলফা স্বাধীনৰ দুধৰ্ষ গেৰিলাই আত্মসমৰ্পণ কৰে ।
তিনিচুকীয়া আৰক্ষী সহ ২১০ কোব্ৰা , ৯নং ৰাজ ৰাইফল ,২১ পেৰা ফৰ্ছৰ অভিযানৰ সময়ত জিলাখনৰ বিভিন্ন স্থানত আত্মসমৰ্পণ কৰে কেডাৰ কেইগৰাকীয়ে ।
আত্মসমৰ্পণকাৰী কেডাৰ কেইগৰাকী ক্ৰমে , কাকপথাৰৰ পবিত্ৰ অসম ওৰফে ফমেন মৰাণ , আলোক অসম ওৰফে মিন্টু মৰাণ , বাঘজানৰ মাৰ্ছেন্ট অসম ওৰফে প্ৰাণজিৎ মৰাণ ,ডুমডুমাৰ অৱন অসম ওৰফে ৰাজীৱ মৰাণ মাকুম বাৰেকুৰিৰ সংযোগ অসম ওৰফে মিলনজ্যোতি মহন্ত আৰু মাকুম শুকানী গাঁৱৰ পূৰণ অসম ওৰফে কল্যাণ বৰুৱা ।
আত্মসমৰ্পণৰ সময়ত কেডাৰ কেইগৰাকীয়ে চাৰিটা MQ81 দুটা AK56 ৰাইফল ,১৩টা মেগজিন ,দুটা হেণ্ড গ্ৰেণেড , ৩৯৫ জাই সজীৱ গুলী আৰক্ষীক জমা দিয়ে ৷
