তিনিচুকীয়া, 13 ফেব্ৰুৱাৰী : ৱাক' অসম কিক বক্সিং এছো'চিয়েছনৰ অধিনত তিনিচুকীয়া জিলাৰ 8 গৰাকী খেলুৱৈয়ে ব্লেক বেল্ট লাভ কৰিবলৈ সক্ষম হৈছে ৷ এই উপলক্ষে দেওবাৰে ৱাক' তিনিচুকীয়া কিক বক্সিং এছো'চিয়েছনে এক সংবাদমেল সম্বোধন কৰে ৷
উক্ত সংবাদমেলতে ব্লেখ বেল্ট লাভ কৰা তিনিচুকীয়া জিলাৰ 8 গৰাকীকৈ খেলুৱৈক সম্বৰ্ধনা জনোৱা হয় ৷ উল্লেখ্য যে ব্লেক বেল্ট লাভ কৰা কিক বক্সিং খেলুৱৈ সকলৰ নাম হৈছে ক্ৰমে-নমিতা গোৱালা, দ্বীপশিখা ৰাভা, কমলা শৰ্মা, কল্পনা লোহাৰ, চাকিপ হুচেইন, প্ৰকাশ ৰজক, অশোক গড়, হিৰণ্য গোৱালা । খেলুৱৈ কেইজনক ফুলাম গামোচা, এখন সম্বৰ্ধনা পত্ৰ আৰু এটা জাপিৰে সম্বৰ্ধনা জ্ঞাপন কৰা হয় ৷
সংবাদমেলত উপস্থিত থাকে এমেচাৰ অসম কিক বক্সিং এছো'চিয়েছনৰ উপ-সভাপতি ৰতন সিং, সাধাৰণ সম্পাদক অৰবিন্দ পেটেল আদিৰ লগতে ৱাক' তিনিচুকীয়া কিক বক্সিং এছো'চিয়েছনৰ কেইবাগৰাকী বিষয়ববীয়া উপস্থিত থাকে ৷
লগতে পঢ়ক: ই-অফিচ আঁচনি ৰূপায়ণৰ বাবে কম্পিউটাৰ বিতৰণ
