তিনিচুকীয়া,22 অক্টোবৰ : তিনিচুকীয়াৰ বুঢ়ীদিহিং মৌজাৰ পেঙেৰীত বুধবাৰে ম্যাদি পট্টা প্ৰদান । উল্লেখ্য যে,মুখ্যমন্ত্ৰী সৰ্বানন্দ সোণোৱালৰ নিৰ্দেশ মৰ্মে তিনিচুকীয়া জিলাৰ মাৰ্ঘেৰিটা মহকুমাৰ তিনিটা মৌজাত মুঠ 1035 জন ভূমিহীন লোকৰ মাজত পট্টা আৰু আৱণ্টন পত্ৰ বিতৰণ কৰাৰ সিদ্ধান্ত গ্ৰহণ কৰা হৈছে ৷
সেই উদ্দেশ্যে বুঢ়ীদিহিং মৌজাৰ মুঠ 699 জন লোকৰ মাজত ভূমি পট্টা আৰু আৱণ্টন পত্ৰ প্ৰদান কৰা হয় । অসম চৰকাৰৰ ৰাজহ আৰু দুৰ্যোগ ব্যৱস্থাপনা বিভাগ আৰু মাৰ্ঘেৰিটা মহকুমা প্ৰশাসনৰ উদ্যোগত অনুষ্ঠিত হোৱা এই বিতৰণ অনুষ্ঠানৰ শুভ উদ্বোধন কৰে মাৰ্ঘেৰিটা বিধানসভা সমষ্টিৰ বিধায়ক ভাস্কৰ শৰ্মাই ।
পেঙেৰী ক্লাৱত আয়োজিত অনুষ্ঠানটোত উপস্থিত থাকে মাৰ্ঘেৰিটা সমষ্টিৰ বিধায়ক ভাস্কৰ শৰ্মা,মাৰ্ঘেৰিটা মহকুমাৰ মহকুমাধিপতি,ৰাজহুৱা চক্ৰ বিষয়া আৰু আৰক্ষী বিষয়া ৷
লগতে পঢ়ক : অৰুণোদয় আঁচনিৰ বিৰুদ্ধে সৰৱ সন্মিলিত যুৱ বিকাশ অসম
