তিনিচুকীয়া, 26 অক্টোবৰ: ১৪ সংখ্যক বদৌচা কাপ ফুটবল প্ৰতিযোগিতা আয়োজন সন্দৰ্ভত কচুজানস্থিত তিনিচুকীয়া জিলা ক্ৰীড়া সন্থাৰ কাৰ্যালয়ত বদৌচা স্পৰ্টচ ক্লাৱৰ সংবাদমেল (14th Badaucha Cup Football Tournament)। বদৌচা স্পৰ্টচ ক্লাৱে অনুষ্ঠিত কৰি অহা অসম তথা ভাৰতবৰ্ষৰ অন্যতম আগশাৰীৰ ফুটবল প্ৰতিযোগিতা বদৌচা কাপ ফুটবল প্ৰতিযোগিতাখনিয়ে চলিত বৰ্ষত চৰ্তুবিংশতিতম বৰ্ষত ভৰি দিছে(Bodousa Sports club) । চলিত বৰ্ষত অনুষ্ঠিত হবলগীয়া ফুটবল প্ৰতিযোগিতাখন অহা ২৯ অক্টোবৰৰ পৰা ১৩ নৱেম্বৰলৈকে অনুষ্ঠিত কৰা হ'ব বুলি উদ্যোক্তা সমিতিয়ে জানিবলৈ দিছে ৷ অসমৰ ১৬টা স্থানত ফুটবল প্ৰতিযোগিতাখনি অনুষ্ঠিত হ'ব (Press Meet by Bodousa Sports club in Tinsukia)।
উক্ত প্ৰতিযোগিতাখন আয়োজন সন্দৰ্ভত আজি কচুজানস্থিত তিনিচুকীয়া জিলা ক্ৰীড়া সন্থাৰ কাৰ্যালয়ত বদৌচা স্পৰ্টচ ক্লাৱৰ উদ্যোগত এখন সংবাদমেলৰ আয়োজন কৰা হয় । উক্ত সংবাদমেলৰ জৰিয়তে ১৪ তম বদৌচা কাপ ফুটবল প্ৰতিযোগিতাখনিত অসমৰ লগতে বহিঃৰাজ্যৰ মুঠ ৬৬ টা ফুটবল দলে অংশগ্ৰহণ কৰিব বুলি জানিবলৈ দিয়ে । উল্লেখ্য যে, অহা ২৯ অক্টোবৰ অৰ্থাৎ প্ৰথমদিনা প্ৰতিযোগিতাখনি অসমৰ চাৰিটা স্থানত অনুষ্ঠিত হ'ব । চাৰিটা স্থান ক্ৰমে, তিনিচুকীয়াৰ কচুজান খেলপথাৰ, বজালীৰ ৰামপুৰ উচ্চ মাধ্যমিক বিদ্যালয় খেলপথাৰ, দৰঙৰ হাটখুলি গ্ৰাম্য ক্ৰীড়া খেলপথাৰ আৰু ওদালগুৰিৰ খৈৰাবাৰী ষ্টেডিয়াম ।
ৰাষ্ট্ৰীয় পৰ্যায়ত অনুষ্ঠিত কৰা ফুটবল প্ৰতিযোগিতাখনিত প্ৰথম,দ্বিতীয়,তৃতীয় আৰু চতুৰ্থ পুৰস্কাৰ বিজয়ী দলক বঁটাসহ প্ৰদান কৰা হ'ব নগদ ২ লাখ, ১ লাখ , ৫০ হাজাৰ আৰু ২৫ হাজাৰ টকা ৷ লগতে খেলুৱৈসকলৰ বাবে বহু সা-সুবিধা ৰখা হৈছে বুলি সংবাদমেল যোগে অৱগত কৰে উদ্যোক্তাসকলে । আনহাতে উক্ত প্ৰতিযোগিতাখন সুকলমে অনুষ্ঠিত কৰাৰ বাবে ৰাইজৰ সহায়-সহযোগিতা কামনা কৰিছে বদৌচা স্পৰ্টচ ক্লাৱে ।
আজিৰ সংবাদমেলখনত উপস্থিত থাকে বদৌচা স্পৰ্টচ ক্লাৱৰ সভাপতি অৰুণজ্যোতি মৰাণ, সম্পাদক জয়ন্ত দহোটীয়া, তিনিচুকীয়া জিলা ক্ৰীড়া সন্থাৰ উপ-সভাপতি অৰূপ ৰাজখোৱা, বদৌচা স্পৰ্টচ ক্লাৱৰ ফুটবল সম্পাদক দুৰ্ণকান্ত মৰাণ আৰু ক্ৰিকেট সম্পাদক অৰ্জুন মৰাণ ।
লগতে পঢ়ক: Miya Museum Controversy: মিঞা মিউজিয়ামৰ আঁৰত চৰকাৰী পৃষ্ঠপোষকতাৰ অভিযোগ অজিত ভূঞাৰ
