ধুবুৰী, ১৭ জুন: মানকাচৰ জিলাৰ দক্ষিণ শালমাৰাৰ অন্তৰ্গত সুখচৰ বেপাৰীপাৰা দলঙৰ সমীপৰ পৰা অপহৰণ ছাপিউল ইছলাম নামৰ এগৰাকী মৌলানা ৷ অপহৰণকাৰীয়ে লৈ গৈছে মৌলানাগৰাকীৰ লগত থকা মটৰ চাইকেলখনো ৷ ছাপিউল ইছলাম নামৰ এই ব্যক্তিগৰাকী মেঘালয়ৰ হেলিডিগঞ্জ দৰবেশ টিলা মছজিদৰ ইমাম আছিল বুলি জানিব পৰা গৈছে ৷ বুধবাৰে পুৱতি নিশা প্ৰায় চাৰে তিনি বজাত কাষৰীয়া ৰাজ্য মেঘালয়ৰ দৰবেশ টিলাত নামাজ পঢা়বলৈ গৈ থকা অৱস্থাত অপহৃত হৈছিল ইমাম গৰাকী ।
অপহৰণৰ পাছতে পুৱাই পত্নীক ফোন কৰি নিজেই জনালে তেওঁক অপহৰণৰ খবৰ আৰু ইয়াৰ পাছৰ পৰাই বন্ধ হৈ আছে ছাপিউল ইছলামৰ মবাইল ফোন । ইতিমধ্যে ছাপিউল ইছলামৰ পৰিয়ালৰ লোকে স্থানীয় সুখচৰ আৰক্ষী চকীত ঘটনাৰ সবিশেষ জনাই দাখিল কৰিছে এখন এজাহাৰ ৷ এজাহাৰৰ ভিত্তিত ইতিমধ্যে আৰক্ষীয়ে গোচৰ ৰুজু কৰি আৰম্ভ কৰিছে অনুসন্ধান ।
লগতে চাওকঃ ঋতুপৰ্ণ পেগুৰ হত্যাকাৰীৰ ফাঁচীৰ দাবীত নুনমাটিত আছুৰ প্ৰতিবাদ
