ৰঙাপৰা, 26 নৱেম্বৰ : শোণিতপুৰ জিলাৰ চাৰিদুৱাৰ আৰক্ষীয়ে বুধবাৰে দুজন ড্ৰাগছ সৰবাৰহকাৰীক আটক কৰে । চাৰিদুৱাৰ আৰক্ষী বিষয়া আলিমুউদ্দিন আহমেদে গোপন সূত্ৰৰ পম ভিত্তিত মানশিৰিৰ পৰা যুৱক দুজনক আটক কৰে ৷ আটকাধীন সৰবৰাহকাৰী দুজন ক্ৰমে খনামুখৰ নিৱাসী চামছুল হকৰ পুত্ৰ মাইজুল হক আৰু তেজপুৰ শলমৰাৰ নিৱাসী আব্দুল গফুৰৰ পুত্ৰ নজৰুল ইছলাম বুলি জানিব পৰা হৈছে ।
চাৰিদুৱাৰত ড্ৰাগছ সৰবাৰহকাৰীসহ আটক দুজন
যুৱক দুজনৰ পৰা আৰক্ষীয়ে দুটা ম'বাইল ফোন, 9 টা নিচাযুক্ত সামগ্ৰী থকা ছিৰিঞ্জ আৰু AS-12U-6353 নম্বৰৰ এখন মটৰ চাইকেল জব্দ কৰে । সৰবৰাহকাৰী দুজনে নিচাযুক্ত সামগ্ৰীখিনি নগাঁও জিলাৰ পৰা সৰবৰাহ কৰি আনিছিল । ঘটনাৰ সন্দৰ্ভত চাৰিদুৱাৰ আৰক্ষীয়ে গোচৰ ৰুজু কৰি তদন্ত অব্যাহত ৰাখিছে ।
লগতে পঢ়ক: ক্ৰেনিঅ’পাগাচ অস্ত্ৰোপচাৰৰ তিনি বছৰ পাচত মৃত্যুক সাৱটিলে কালিয়াই
