তেজপুৰ, ১৫ ডিচেম্বৰ : ভাৰত চৰকাৰৰ হস্ততাঁত বস্ত্ৰ মন্ত্ৰণালয়ৰ অধীনত তেজপুৰত ১১ ডিচেম্বৰ পৰা ছয় দিনীয়াকৈ বজাৰগাঁও হেণ্ডিক্ৰাফ্ট প্ৰডাক্ট কোম্পানী লিমিটেডে উদ্যোগীকৰণ উন্নয়ন কাৰ্যসূচীৰ (ইডিপি) অধীনত প্ৰশিক্ষণ অনুষ্ঠিত কৰে । এই কাৰ্যসূচীৰ লক্ষ্য হৈছে শিল্পীসকলক অত্যাৱশ্যকীয় উদ্যোগীকৰণ দক্ষতা, ব্যৱসায়িক বুদ্ধিমত্তা আৰু হস্তশিল্প খণ্ডৰ সামগ্ৰিক বৃদ্ধিত অৰিহণা যোগোৱা মূল্যৱান সম্পদৰ সুবিধাৰ সৈতে সৱলীকৰণৰ ব্য়ৱস্থা ।
এই কাৰ্যসূচী উন্নয়ন আয়ুক্ত (হস্তশিল্প) বস্ত্ৰ মন্ত্ৰালয়, নতুন দিল্লীৰ দ্বাৰা বেত আৰু বাঁহ শিল্পৰ বাবে ২০ নং ক্লাষ্টাৰ শিল্পীৰ বাবে অনুমোদন জনোৱা হৈছে । সংশ্লিষ্ট শিল্পৰ মাষ্টাৰ ক্ৰাফ্টমেন ৰমেশ চন্দ্ৰ দাসে এই কাৰ্যসূচী উদ্বোধন কৰে । যোৱা ১১ ডিচেম্বৰৰ পৰা ১৬ ডিচেম্বৰলৈকে চলি থকা পৰম্পৰাগত সাংস্কৃতিক পৰিৱেশনে চহকী কলাত্মক ঐতিহ্যক প্ৰতিফলিত কৰা অনুষ্ঠানটোৰ বাবে এক ইতিবাচক ভূমিকা গ্ৰহণ কৰে ।
মাষ্টাৰ ক্ৰাফ্টছমেনে শিল্পীৰ বিকাশৰ প্ৰতি কোম্পানীটোৰ দায়বদ্ধতাক গুৰুত্ব প্ৰদান কৰি এক প্ৰেৰণাদায়ক উদ্বোধনী ভাষণত হস্তশিল্প খণ্ডৰ সম্ভাৱনা মুকলি কৰাৰ ক্ষেত্ৰত উদ্যোগীকৰণৰ তাৎপৰ্যৰ ওপৰত আলোকপাত কৰে । চৰকাৰী বিষয়া আৰু উদ্যোগ বিশেষজ্ঞকে ধৰি বিশিষ্ট অতিথিসকলে হস্তশিল্প উদ্যোগত ভূমিকা বা উদ্যোগীকৰণৰ ওপৰত ভাষণ প্ৰদান কৰে ।
সামগ্ৰিক পদ্ধতিৰ লক্ষ্য আছিল পণ্য বিকাশৰ বিপণন কৌশল বিত্তীয় সাক্ষৰতাকে ধৰি উদ্যোগীকৰণৰ বিভিন্ন দিশ সামৰি লোৱা । এই দায়বদ্ধতাই ক্লাষ্টাৰ শিপিনীসকলৰ সফলতাৰ প্ৰতি বজাৰগাঁও হস্তশিল্প উৎপাদক কোম্পানী লিমিটেডৰ দীৰ্ঘম্যাদী নিষ্ঠা প্ৰদৰ্শন কৰে । বজাৰগাঁও হস্তশিল্প উৎপাদক কোম্পানী লিমিটেডে উদ্যোগীকৰণ উন্নয়ন কাৰ্যসূচীত অংশগ্ৰহণ কৰি ক্লাষ্টাৰ শিপিনীসকলৰ সৱলীকৰণ আৰু বৃদ্ধিৰ ভেঁটি স্থাপনত এক সফলতা লাভ কৰে ।
লগতে পঢ়ক:আয় বহিৰ্ভূত সম্পত্তি : লোক নিৰ্মাণ বিভাগৰ অৱসৰপ্ৰাপ্ত কাৰ্যবাহী অভিযন্তাৰ ঘৰত চি এম ভিজিলেন্স
