তেজপুৰ, ৩ জুনঃ তেজপুৰ পৌৰসভাৰ সভাকক্ষত আয়োজন কৰা এক কাৰ্যসূচীত,তেজপুৰ পৌৰসভাৰ ভাৰপ্ৰাপ্ত কাৰ্যবাহী বিষয়া তথা সহকাৰী আয়ুক্ত অন্তৰীপা দৈমাৰীয়ে বুধবাৰে ৩ খনকৈ নতুন টিপাৰ ট্ৰাক উদ্বোধন কৰে । অসম চৰকাৰৰ পৌৰ প্ৰশাসন সঞ্চালকালয়ৰ পৰা পোৱা টাটা এল.পি.কে এক্স বি.এচ-IV মডেলৰ এই ট্ৰাক কেইখনৰ বহন ক্ষমতা ৩ কিউবিক মিটাৰ । বুধবাৰে এই কাৰ্যসূচীত পৌৰসভাৰ প্ৰাক্তন সভানেত্ৰী পুষ্পা ডেকাসহ জিলা তথ্য আৰু জনসংযোগ বিষয়া নীনা বৰুৱাও উপস্থিত থাকে ।
বুধবাৰে টিপাৰ ট্ৰাক উদ্বোধন কৰি তেজপুৰ পৌৰসভাৰ ভাৰপ্ৰাপ্ত কাৰ্যবাহী বিষয়াগৰাকীয়ে,৩ খন টিপাৰ ট্ৰাকৰ এখন বিশেষভাৱে তেজপুৰ পৌৰসভা এলেকাৰ অধীনৰ বিভিন্ন কোৱাৰেণ্টাইন কেন্দ্ৰৰ পৰা আৱৰ্জনা সংগ্ৰহৰ বাবে ব্যৱহাৰ কৰা হ'ব । আনহাতে আন দুখন নিয়মিত পৌৰসভাৰ কামত নিয়োজিত কৰা হ’ব বুলি জানিবলৈ দিয়ে বিষয়াগৰাকীয়ে ।
লগতে চাওকঃ জনসংযোগ কৰ্মচাৰীৰে বৈঠক মুখ্যমন্ত্ৰী সৰ্বানন্দ সোণোৱালৰ
