মজুৰি নাপাই আত্মহত্যা ক'ভিড চিকিৎসালয়ত কৰ্মৰত অস্থায়ী চাফাই কৰ্মীৰ

এগৰাকী অস্থায়ী চাফাই কৰ্মীয়ে আত্মহত্যা কৰাৰ পিচতে কেইবাটাও গুৰুত্বপূৰ্ণ অভিযোগ উত্তাপিত কৰিছে শোণিতপুৰ জিলাৰ ক'ভিড চিকিৎসালয়ত কৰ্মৰত অন্যান্য চাফাই কৰ্মীৰ লগতে চুপাৰভাইজাৰ সকলে ৷ অভিযোগ অনুসৰি অমৃত বাহাদুৰে ক'ভিড চিকিৎসালয়খনৰ কৰ্তৃপক্ষৰ পৰা প্ৰায় 50 হাজাৰ টকা কামৰ মজুৰি পাবলৈ বাকী আছিল ৷

তেজপুৰ, 22 ডিচেম্বৰ : তেজপুৰৰ ক'ভিড চিকিৎসালয় কৰ্মৰত এগৰাকী অস্থায়ী চাফাই কৰ্মীয়ে আত্মহত্যা কৰাৰ পিচতে কেইবাটাও গুৰুত্বপূৰ্ণ অভিযোগ উত্তাপিত কৰিছে শোণিতপুৰ জিলাৰ কভিড চিকিৎসালয়ত কৰ্মৰত অন্যান্য চাফাই কৰ্মীৰ লগতে চুপাৰভাইজাৰ সকলে ৷ জানিব পৰা মতে আত্মহত্যা কৰা অমৃত বাহাদুৰ ডমাই নামৰ এই লোকজনে চলিত বৰ্ষৰ মাৰ্চ মাহৰ পৰা তেজপুৰৰ ক'ভিড চিকিৎসালয়ত অস্থায়ী চাফাই কৰ্মী হিচাপে নিয়োজিত হৈ আছিল ৷

অভিযোগ অনুসৰি অমৃত বাহাদুৰে ক'ভিড চিকিৎসালয়খনৰ কৰ্তৃপক্ষৰ পৰা প্ৰায় 50 হাজাৰ টকা কামৰ মজুৰি পাবলৈ বাকী আছিল ৷ এই কাৰণতেই যুৱকজন মানসিকভাৱে ভগি পৰিছিল আৰু পৰিণতিত আত্মহত্যা দৰে এটা পথ বাছি ল'লে বুলি সদৰি কৰি অভিযোগ তুলিছে চিকিৎসালয় কৰ্মৰত সহকৰ্মী সকলে ৷

উল্লেখ্য যে,যোৱা কেইবামাহো ধৰি চিকিৎসালয়খনৰ সকলো অস্থায়ী কৰ্মীয়ে কাম মজুৰি লাভ কৰা নাই ৷ যাৰ ফলস্বৰূপে দীৰ্ঘ দিনৰ পৰা প্ৰাপ্য মজুৰি বিছাৰি প্ৰতিবাদ কৰি আহিছে চাফাই কৰ্মীসকলে ৷

লগতে পঢ়ক :বিতৰ্কত জ্যেষ্ঠ সাংবাদিক মৃণাল তালুকদাৰঃ ৰাইজে দাহ কৰিলে প্ৰতিকৃতি