তেজপুৰ, 4 মাৰ্চ : তেজপুৰত শোণিতপুৰ জিলা ও চেছন ন্যায়াধীশ আদালতৰ শুকুৰবাৰে এক গুৰুত্বপূৰ্ণ ৰায় দান প্ৰদান কৰে (Sonitpur District and Sessions Judge Court sentences) । 2016 চনত সংঘটিত হোৱা এক হত্যাকাণ্ডৰ গোচৰত এই বিশেষ ৰায় দান প্ৰদান কৰে ৷
শোণিতপুৰ জিলা ও চেছন ন্যায়াধীশ চত্ৰ ভূষণ গগৈৰ আদালতে 2016 চনত ৰঙাপাৰাত সংঘটিত খুলশালীৰ হাতত ভিনিহিয়েকৰ হত্যাকাণ্ডৰ গোচৰৰ ৰায় দান কৰে ৷ অভিযুক্ত খুলশালী লালু তাঁতীক যাৱজ্জীৱন কাৰাদণ্ডৰে দণ্ডিত কৰাৰ লগতে 10 হেজাৰ টকা জৰিমনা বিহে (Lifetime imprisonment) ৷ ইয়াৰ লগতে, পত্নী আশা তাছাক শোণিতপুৰ জিলা ও চেছন ন্যায়াধীশ চত্ৰ ভূষণ গগৈৰ আদালতে দোষমুক্ত কৰে ৷
উল্লেখ্য যে, 2016 চনৰ মে’ মাহৰ 6 তাৰিখে পত্নী আশা তাছা আৰু আশাৰ ভাতৃ লালু তাঁতীয়ে স্বামী দীপক তাঁতীক হত্যাৰ এক অভিযোগ উত্থাপিত হৈছিল । ৰঙাপাৰাৰ বৰজুলি চাহবাগিচাৰ 17 নং লাইনত সংঘটিত হৈছিল এই নৃশংস হত্যাকাণ্ড । চৰকাৰী অধিবক্তা মুনিন বৰুৱাই গোচৰটোত চৰকাৰী পক্ষৰ হৈ ওকালতি কৰিছিল ।
লগতে পঢ়ক : Life imprisonment : যাৱজ্জীৱনৰ বাবে জেললৈ গ’ল স্বামী হত্যাকাৰী মাৰ্জিনা
