তেজপুৰ,12 অক্টোবৰ: বিভিন্ন কাৰ্যসূচী সামৰি সোমবাৰে গহপুৰত উপস্থিত হয় অসম আৰক্ষীৰ সঞ্চালক প্ৰধান ভাস্কৰজ্যোতি মহন্ত ৷ অৰুণাচল প্ৰদেশৰ ৰাজধানী ইটানগৰত মুখ্য সচিব পৰ্যায়ৰ এক বৈঠকত অংশগ্ৰহণ কৰাৰ পিছত গহপুৰত উপস্থিত হয় আৰক্ষী সঞ্চালক প্ৰধানগৰাকী ৷ মহন্তই ৰাজ্য কপোৱা SI কাণ্ড সন্দৰ্ভত সংবাদ মাধ্য়মৰ সৈতে হোৱা সাক্ষাৎকাৰত বহু প্ৰশ্নৰ উত্তৰ প্ৰকাশ কৰে ৷
উল্লেখ্য যে,এই প্ৰসংগত মহন্তই কৰিমগঞ্জৰ আৰক্ষী অধীক্ষক কুমাৰ সঞ্জীত কৃষ্ণ আৰু উপ-আৰক্ষী অধীক্ষকক চিআইডিয়ে সোধ-পোছৰ বাবে মতাৰ সন্দৰ্ভত তদন্ত অব্যাহত থকাৰ কথা প্ৰকাশ কৰে ৷ এই তদন্ত সন্দৰ্ভত কাৰোবাৰ বিৰুদ্ধে কোনো শুংসূত্ৰ পালে সোধ-পোছৰ বাবে মতাতো কোনো ডাঙৰ কথা নহয় বুলি মন্তব্য প্ৰকাশ কৰে আৰক্ষী সঞ্চালক প্ৰধানগৰাকীয়ে ৷ শীঘ্ৰে প্ৰশ্নকাকত ফাদিলৰ লগত জড়িত মূল অভিযুক্তক কৰায়ত্ত কৰিবলৈ আৰক্ষী সক্ষম হ’ব বুলি মহন্তই প্ৰকাশ কৰে ৷ ইতিমধ্যে আৰক্ষীয়ে প্ৰায় 5 কোটি 37 লাখ নগদ ধন এই কেলেংকাৰীত জড়িত লোকৰ পৰা উদ্ধাৰ কৰিছে ৷ কিন্তু এই কেলেংকাৰীত জড়িত ব্যক্তিসকলৰ তালিকা ক্ৰমান্বয়ে দীঘল হৈ গৈ আছে ৷ আৰক্ষী সঞ্চালক গৰাকীয়ে গহপুৰ আৰক্ষী থানাৰ 1914 চনৰে ব্ৰিটিছ শাসনৰ ফাইলসমূহ সংৰক্ষণ কৰাৰ অৰ্থে অসম চৰকাৰলৈ এক পত্ৰ প্ৰেৰণ কৰাৰ কথা সংবাদ মাধ্যমক জানিবলৈ দিয়ে ৷
লগতে চাওকঃ নলবাৰীত পুনৰ SI কাণ্ডৰ লগত জড়িত এজনক আটক
