ৰঙাপৰাত পথ দুৰ্ঘটনাঃ দুজন আহত

শোণিতপুৰৰ ৰঙাপৰাত নিশা সংঘটিত এক পথ দুৰ্ঘটনাত দুজন বাইক আৰোহী গুৰুতৰভাৱে আহত হৈছে ৷ আহত কেইজনক তেজপুৰ চিকিৎসা মহাবিদ্যালয়লৈ প্ৰেৰণ কৰা হয় ৷

ৰঙাপৰা,12 এপ্ৰিলঃ শোণিতপুৰৰ ৰঙাপৰাত নিশা সংঘটিত হোৱা এক পথ দুৰ্ঘটনাত দুজনকৈ বাইক আৰোহী গুৰুতৰভাৱে আহত হৈছে ৷ নিশা ৰাজপথত বিচৰণ কৰি থকা উদঙীয়া গৰুক খুন্দিয়াই দিয়াৰ ফলত আহত হয় ৰাহুল কৰ্মকাৰ আৰু টুকলু পাইক নামৰ লোক দুজন ৷ নিশা ৰঙাপৰাৰ চেচা চাহ বাগিচাৰ পৰা ৰঙাপৰালৈ মটৰ চাইকেলেৰে আহি থকা সময়তে সংঘটিত হয় দুৰ্ঘটনাটো ।

আহত দুয়োজনকে ৰঙাপৰা প্ৰাথমিক চিকিৎসালয়লৈ অনা হয় যদিও উন্নত চিকিৎসাৰ বাবে নিশাই তেজপুৰ চিকিৎসা মহাবিদ্যালয়লৈ প্ৰেৰণ কৰা হয় ।